إجمالي مرات مشاهدة الصفحة

الجمعة، 31 ديسمبر 2010

حرامى الفيس

السلام عليكم
انهاردة هاحكلكم على حاجة بالنسبة ليا غريبة شوية
ومعلش هيتم تأجيل بوست اول يوميات 
قطار متاهة
للبوست القادم
وبوست اليوم هو حرامى الفيس
فى امان الله انا كنت داخلة اقرأ المدونة بتاعتى كالعادة 
وقولت ادخل على الفيس مرة من نفسى
لانى صراحة مبحبش الفيس بوك


اول ما دخلت لقيت كل الناس 
شغالة تبعتلى رسايل الصفحة بتاعتك مخترقة من شخص ما وبينزل عليها
حجات مش لطيف صور مش كويسة يعنى
وانا طبعا مش ظاهر عندى حاجة المهم

كان زمان الحرامى يروح  يسرق الشقق ومجرد
ما الناس ماتشوفوا 
حرامىىىىىىىىىىىىىىىىىىىىى
وبم تاخ طيخ 
الحرامى خلص فى ايديهم
طب انا اقول حرامى مش هايحصل حاجة 
المهم انا عارفة ان مدونتى بتظهر عل  الفيس تلقائيا
وانا بقولك يا جماعة انا صلحت المشكلة وغيرت الباسوورد بتاعى
لكن حبيت اقولكم التجربة دة لكل زوار مدونتى الكرام 
عشان تاخدوا بالكم
لانكم هاتيجوا تقولوا حرام
مش هتلاقوا 
البوم تاخ طيخ وطراخ
انتظرونى البوست القادم فى اولى يوميات
قطار متاهة
وهو على فكرة قصة لذيذة جدااااااااااااا
ومش هتلاقوها عند حد تانى 
لانة حصرى عندى انا فقط
 

الخميس، 23 ديسمبر 2010

قالوا..... سلام

السلام عليكم
اولا باركولى الحمد لله
واخيرا 
جبت موبايل جديد 
بلاك بيرى
بعد سرقة 2موبايل منى قبل كدة ورنا يستى وميتسرقش 

 ثانيا اليوم هاتكلم عن موضوع خطيييييييييير جدا
عارفين اية 
هى معاهدة السلام بين مصر واسرائيل
سنة26مارس1979
كنت باستغرب جدا هما لية العرب كرهوا مصر بعد الاتفاقية دى ومكنتش عارفة اية السبب لصغر سنى
لكن بعد فترة تفاجئت با المعاهدة دى ليس معاهدة سلام بل دمار
حبيت اقول للشعب المصرى متفرحوش بيوم 6اكتوبر قوى بعد النصر
جة الغم والهم
باختصار نقول ابرز البنود اللى فى الاتفاقية
  1. اعتراف كل دولة بالاخرى
  2. تتمتع السفن الاسرائيلية والشحنات المتجة من اسرائيل بحق المرور الحر من قناة السويس 
خللونى نتكلم اكتر ياريت لو حد مسك اى كتاب من الكتب التربية والتعليم فى مصر واقرأ مين المشرفين والا اللى بيحطوا المنهج 
هتلاقوهم يهود (من ضمن اتفاقية السلام)


حجات كتيييييييير وكتييييييييييييير بلاوى غير طبيعية واحنا مش عارفين اية اللى ورا اتفاقية السلام
اهم حاجة لية اتفاقيةة السلام مش منشورة بنودها او معلومة 
فى معلوم ولكن اشياء بسيطة جدااااااااااااااا منها


اخر شئ احب اقولة ان اى مصيبة بتحصل فى مصر الفترة الاخيرة تكون بسببها اتفاقية السلام 
وفى الاخر مش عارفة اية كل اللى هاقولة 
هو دة السلام او بمعنى هو دة الاستسلام


انتظروووووووووووووونى البوست القادم 
مع اولى 
حلقات قطار متاهة



الأحد، 19 ديسمبر 2010

مدون .............. لية؟؟

بناء على طلب مدونة ما كفاية بقى
واستجابة لحملة 
اختى
ام هريرة
هجاوب على هذة الاسئلة الرائعة
وجزاكم الله خيرا
الأسئلة /
1- تعريف مختصر بالمدون

2- مكانته العلمية والدراسية  التى وصل اليها والتى من خلالها يستطيع أن
 يقدم  خدماته للمجتمع

3- متى كانت البداية فى التدوين (بالتاريخ )؟

4- كيف كانت البداية فى التدوين ؟

5)  ليه أنت مدون ؟؟؟؟؟ وما هى طموحاتك فى هذا المجال وماذا تسعى له بموقعك
وإلى أى مدى تريد أن تصل فى التدوين ؟؟

وهبدأ بسم الله
1) انا زهرة الاسلام الحقيقى (جهاد ) شخصية استجمالية وحماسية كثيرااا بيقولوا عليا انى عاقلة (مش عارفة جابوها منين هههههه)
2) معايا معهد حاسب آلى وفعلا بستطيع خدمة الاسلام قبل المجتمع  لانى دخلت المعهد بالنية دية لا استطيع اقول ماهو الذى افعلة عذرا
3) كانت بدايتى فىيوم 5/10/2009 ودى ليها قصة كبيررررررررررررة  بأختصار كنت محتاجة حد يعملى  المدونة وروحت لكذا صديقة ورفضت  بدأت اعتمد على نفسى والحمد لله قومت بعمل كل شئ جديد فى المدونة لوحدى ومازلت بتعلم
4)  بداية مش جميلة طبعا لانى كنت لسة بعرف الميزات اللى داخل المدونة ويعنى انا من النوع اللى لو لعبت شوية افهم كل شئ فيها  لكن بالنسبة للسنة اللى عدت انا شايفة انها سنة رائعة 
5) انا بحب ادون من اجل الاسلام وبالتحديد للمسجد الاقصى  وطموحاتى انى مدونتى تكبر وتحرر المسجد القصى هاتقولوا ازاى لانى ماشية بمبدأ انى اقدر احارب اسرائيل بالقلم وهى المدونة  وتقريبا انا وصلت فى امدونة للى بسعى لية انى بعرف اتكلم عن فلسطين وبقدر اوصل المعلومة  اى مدى هاوصل للتدوين (الله اعلم) بس اكيد لحد يوم تحرير المسجد الاقصى ويرجع عمر وصلاح الدين من جديد اكيد هاقفل المدونة لانى هاكون وصلت للى انا عاوزة
 رغيت كتييييييييييييييير كفاية كدة


ملحوظة هامة (انا بفضل اسم زهرة الاسلام كثيرا وحورية الجنة) 
 


الثلاثاء، 14 ديسمبر 2010

اصلاح الجيل من أجل التحرير

السلام عليكم ورحمة الله وبركاتة 
تحدثكم اليوم زهرة الاسلام بس من تحت البطنية 
ويتميز الشعب المصرى فى الايام دى طبيعى بأكل المحشى
عشان طبعا يدفى
بس انا ماما معملتش محشى الايام دى 
مين يعزمنى
 طبعا الايام اللى فاتت كان شبة سيول عندنا 
وبلاخص ان احنا قرب اسكندرية 
وطبعا انا اتجنيت وخرجت فى يوم السيول دة بس طبعا رجعت 
مبلولة او شبة انا مش باينة من كتر المية هههههههه
نرووح على موضوعنا وهو حملة اصلاح الجيل من اجل التحرير
ودى كنت اتكلمت عليها قبل كدة 
وطبعا لازم نرجع للمسجد الاقصى ونهتم بية من تانى بعد غيابنا الفترة اللى فاتت

الاثنين، 6 ديسمبر 2010

نزيهة بنت عم حسنين

السلام عليكم ورحمة الله وبركاتة
كل سنة وحضرتكم طيبين بالعام الهجرى الجديد
ويكون عام سعيد على كل المسلمين
وحبة انقل اخبار سريع 
اندلاع حريق فى حيفا
يمكرون ويمكر الله 
وفى شرم الشيخ
اسماك القرش تهاجم السياح على الشواطئ
وبجد فرحانة فيهم فرحة انهم قفلوا الشواطئ
لية؟؟؟؟
للى بيحصل جو الشواطئ
دى
ونرو\ح لموضوعنا الاساسى 
وهى نزيهة بنت عم حسنين انا جتبتها 
ففى وقت غضب شدييييييييد جدا 
يارب تعجبكم
قالوا انتخابات نزيهة فين
                       قالوا نزيهة بنت عم حسنين
اللى قاعد بين عشتين
                      ومش لاقى حتى هدمتين
ومش لاقى الفول والعيش
                     ويقولوا نزيهة فين
قالوا راحت تتمشى بين بحرين
                        وتغطى نفسهل من الحرميين
مالقت الشعب ساكت وراضى على التزوير
                       وقالت نزيهة ماتت من سنين
ومش هاترجع غير بنصرة الدين
                      الدين اللى عاوزين يغيروه ويخلونا عالمانيين
نسوا احنا مسلمين
             وماشيين على نهج الدين
وقالوا مقعد المرأة للمساواة بين اللتنين
                             والشعب نايم وميعرفش المصيبتين
مقعد المرأة للتفرقة بين العيلتين
                           قاعدوا ستين(60)حاكمين
ولسة مستنيين ميت (100)سنة او ألفين
يلا فوقوا ياشعب 
           وقولوا حقوقنا فين
انا مش ههاتى ونادى انتوا فين يا مصريين
                                          انا هاقول امة محمد فين
قوموا وفوقوا من نومكم الطويييييييييييل
وقوموا وقولوا نزيهة هاترجع من جديد



الخميس، 2 ديسمبر 2010

أسيبك لمين

والله يا جماعة كان نفسى اكتبلكوا حاجة جديدة بعيد عن الانتخابات
لكن حالتى النفسية لا تسمح لاى مواضيع اخرى 
لكن اهدى لكل مصرى الاغنية دى 
يمكن تنفع 
يارب تعجبكم
أنتظرونى البوست القادم فى 


نزيهة بنت عم حسنين
تفتكروا مين حسنين
هههههههههههههههه
بيقولوا على المصريين وقت الشدة بيضحكوا
وهذا المثل ينطبق عليا

الاثنين، 29 نوفمبر 2010

حرب وليس انتخاب

السلام عليكم
كان امبارح يوم غير اى يوم بيعدى فى حياتنا
شوفنا فى كل حاجة
تزوير موجود بلطجة موجود امن دولة موجود 
قتل موجود دموع وجراح موجود
حزين موجود
كان فيه كل حاجة
اولا  احنا عندنا هيحصل اعادة مرة اخرى للانتخابات ولكن
المرة دة مابين مرشحين اتنين فقط
مرشح الاخوان (تم انسحاب مرشح الاخوان )لتصحيح المعلومة
ومرشح الحزب الحاكم (ابن الحكومة زى مابيقول)
لكن اناقولتلكوا انى دخلت اللجنة وانتخبت من غير اى ضرب وبهدلة
فى الاعادة الله يستر
مش عارفة اقول اية صراحة افرح والا احزن
احزن على الشعب اللى مقضيها نوم 
ولا احزن على الاسكندرية واللى حصل فيها
واللى حصل فى مرشح الاخوان 
اللى لحد دلوقتى مش عارفة طلع من المستشفى والا لا
ولا احزن على مرشح المطرية اللى قتلوا ابنة
ولا احزن على مين ولا مين والا مين
لية دة كلة
فاكرين لما نزلت بوست وقولت فية اية الفرق بين مصر وفلسطين
دلوقتى عرفت ان مفيش فرق
هما عندهم حرب احنا كمان عندنا حرب 
لكن اللى يزعل اكتر
ان احنا اللى بيحاربونا اخواتنا 
مش عاوزينا نعيش تحت ظل الدين الاسلامى لا عاوزنها دولة علمانية
ودة كله لية 
عشان يعرفوا ينهبوا ويسرقوا كويس
والصورة دى هدية منى للشعب المصرى

الأحد، 28 نوفمبر 2010

مهذلة

السلام عليكم
لعدم توفر الوقت
يا جماعة محتاجين دعوات كل العالم العربى لمصر اليوم
مهذلة بكل النواحى انا الحمدلله روحت وانتخبت ولجنتى كانت سهلة لكن باقى اللجان تزوير وضرب وبهدلة 
دعواتكم

الخميس، 25 نوفمبر 2010

أتكلم وخد اكتئاب

السلام عليكم
زهرة الاسلام تقدم لكم نبض الشارع المصرى فى هذة الايام
الحمد لله اليوم نزلت مع صديقة ليا 
للنزول للبيوت ونكلمهم عن الانتخابات
وكنت متوقعة ان الناس مش هاتعبرنا
لكن اتصدمت لما الاقى اللى يزعق
واللى يشتمنا وشوفت حجات انهاردة غريبة وعجيبة
لدرجة انى بعد ما خلصت عمارة تعبت وبقيت مخوقة جداااااااااااا
من اللى شوفتة
لية المسلمين وصلوا لكدة 
           لية كدة يا ام الدنيا        
     ترمينا وتضيعينا 
وتقولى علينا عايشين فى همجية
عاوزانا نقلد الغرب والامريكانية 
ونبقى دولة عالمانية 
من غير شعار دينى ولا حتى دولة اسلامية
ويبقى كدى جالى أكتئاب ومحدش يدور علينا
لحد لما ندور على دولتنا الحقيقية


دعوات كل زوارى الكرام ليا 
حالتى النفسية مخليانى مش قادرة حتى افكر اكتب اية
أنتظرونى قريبا جدااااااااااااااااا
فى 
قطار متاهه

السبت، 20 نوفمبر 2010

بحبكم

  
  السلام عليكم
لا استطيع سوى قول 
أنى احبكم فى الله
 واهدى لكم الفيديو دة
الى اخواتى فى الله

الجمعة، 19 نوفمبر 2010

فراق

فراق
عارفه أنكم هاتفتكروا فراق حبيب مثل مايصور التلفزيون
لكن هذا الفراق بين اختين
مش أختين بس هما خمس بنات مش أخوات من الاب ووالام
لكن أخوات فى الله
أنا واحدة منهم
اليوم تبعد واحدة منا بزواجها
وأحنا قلوبنا حزينا بفراقها
أنا بكتب الكلمات دى وأنا حزينة جدا 
لأن أحنا الخمسة أتعودن أننا نكون مع بعض فى الحزن والفرح 
فى كل الاحوال
وحتى الكل عارفنا بأننا بنعمل كل حاجة مع بعض
مع العلم أننا مع أخواتنا الحقيقيين 
مش مقربيين ليهم
ولكن مع شدت زعلى لكن فرحانة 
بزواجها السعيد
لكن حبة اوضح من دة ان الاخوة فى الله هى أكبر معانى الحب 
وليس حب أخر
 

الأربعاء، 17 نوفمبر 2010

عيد باللحمة


كل سنة وانتم طيبين 
وفين العيدية بتاعتى هافرض ضرايب عليها على فكرة
ههههههههههههه
يلا بقى عالغدى هاعملكم 
عيش بلحمة 
ومكرونة بالبشاميل
وكل أصناف اللحمة 
قبل ما تغلى 
جزاكم الله خيرا لتعلقاتكم فى البوست اللى فات
وياريت اللى ايف اى تعديل تانى فى المدونة يقول 
منتظرى تعليقاتكم

السبت، 13 نوفمبر 2010

يوم ميلادك


السلام عليكم ورحمة الله وبركاتة
ومعكم زهرة الاسلام 
من قلب الحدث

كانت تريد ان تكون سعيدة فى هذا اليوم بأحتفالة بأول مرور سنة على أفتتاح المدونة
ذات الرآى الحر للجميع 
بس أمن الدولة منتظر أعتقالى أكيد لأنى تحدثت عن الحرية
وعمتا المصريين ملهمش حرية وهنفضل مخنوقين لحد لما ربنا يسهل 
وبلاش ندخل فى سياسة النت لية ودان

وبالمناسبة 
أ/تركى الغامدى قال تعليق 
فى وقت صراحة نشل بالظبط 
وكان تعليقة
اهتمامك بالسياسة واضح ، ويبدو أن لك طموحاً (ما) ، وكل عيد وأنت والأسرة الكريم بخير وسلامة ... تحياتي وبالتوفيق .

أسعدنى كتيييييييييييييييييييير تعليق حضرتك 
وحبيت أرد على حضرتك فى الدتوينة دى وهى أن أنا فعلا ليا 
طموح 
لكن لا استطيع الوصول ألية
دعواتكم جميعا
وممكن يكون دة سبب غيابى الفترة الاخيرة
ونرجع بسرررررررررررررررعة تانى
لأحتفالى معكم بيوم مولد مدونتى وهو كان فى يوم
5/10/2009
عارفة أنكم هاتستغربوا تأخير هذا الاحتفال
لكن أنا مكنتش فاضية فى الايام دى
حابة أحتفلوا بشئ تقليدى وهى أجابات حضرتكم على الاسئلة دى

1 ) : اية رأى حضرتكم فى شكل المدونة؟؟
2) : هل تريدون وجود الشات فى المونة؟؟؟
3) : اية رأيكم فى مواضيع المدونة ؟؟؟؟؟
4) : تحبوا يكون اية موجود فى المدونة زيادة؟؟؟
5) : اية شئ كنتوا حبينوا فى المدونة ومش موجود حاليا؟؟؟
وكدة حاولت ان اختصر الاسئلة لأن أجابتكم هتسعدنى كتيييييييييييير
وشكرا لمروركم كثيرااااااا 





الأربعاء، 10 نوفمبر 2010

مرشح الاخوان المسلمين فى كفر الدوار

السلام عليكم ورحمة الله وبركاتة 
وبعتذر كتييييييييييييير لعدم الرد على التعليقات

اليوم هاتكلم عن مرشح الاخوان المسلمين بمحافظة البحيرة 
بمركز كفر الدوار
وكل قترة هاكتب عن كل مرشح فى محافظة البحيرة
 هو المهندس / زكريا محمد مخلوف الجناينى

ومن غير اى تفاصيل هادخل فى الموضوع على طول 
بالبرنامج الانتخابى بتاعة
من على الفيس جروب مرشح الاخوان بكفر الدوار
http://www.facebook.com/pages/mrshh-alakhwan-bkfr-aldwar-2010/161725563845763

ويرتكز برنامجنا للإصلاح السياسي على المقومات التالية:
أولاً : إطلاق الحريات وحفظ حقوق الإنسان
ثانياً : تعديلات الدستور والقوانين
ثالثاً : الإصلاح القضائي.
رابعاً : إصلاح نظام الانتخابات.
خامساً : رعاية حقوق المواطنة، وصيانة الوحدة الوطنية
سادساً : إصلاح نظام المجتمع المدني
سابعاً : إصلاح الإدارة المحلية
وكدا دة يكون اختصار البرنامج الانتخابى لهذا المرشح والتفاصيل ادخلوا الجروب وهتلاقوا كل شئ

صراحة انا وقع فى ايدى برنامج مرشح كنت ناوية  اعرضة على حضرتكم  بس أتحرجت من الكلام الغير لائق فى هذا البرنامج الانتخابى 
طبعا أمن الدولة مش سايب الاخوان فى حالهم الاعتقالات ما زالت مستمرة بطريقة جنونية والله يستر فى العيد اية الللى هيحصل 
فى النهاية احب اطرح سؤال 
هل تتوقعون نجاح الاخوان المسلمون فى انتخابات 2010؟؟؟؟؟؟؟
 
انتظرونى قريبا جداااااااااااااااااااااااافى بوست
أنا هانتحرررررررررررررررر

الخميس، 28 أكتوبر 2010

عذرا

السلام عليكم
أعلم كمثيرا انى فقد الكثيرررررررررر من زوارى الاعزاء
ولكن تعلمون 
بأ حاليا فترة انتخابات 
دة غير انى كنت أشتغلت فترة وسيبت الشغل حاليا 
فبجد انا  مش فاضية خالص
دعواتكم 

وعذرا لهذا الغياب الطويييييييييييييييييييييييل

الأربعاء، 13 أكتوبر 2010

عودة قريبة

السلام عليكم
ان شاء الله 
انا راجعة المدونة يوم 20
هركب وصلت النت 
ادعوا انا تتركب عشان ارجع لمدونتى وزوارها 
سلام لحد لما ارجع

السبت، 11 سبتمبر 2010

عيد سعيد

السلام عليكم 
كل سنة وانت طيبين كان نفسى اعيد معاكم لكن لسة بردة 
هاغيب عنكم
عذرا لهذا لاغياب الكثيرررررررررررررررر
وهاعيد عليكم بالاغنية دى

الأحد، 22 أغسطس 2010

خبر هام

السلام عليكم ورحمة الله وبركاتة
خبر هام جداااااااااااااااا
قررت زهرة الاسلام 
بان تلقاكم فى العيد ان شاء الله
بعد ان تشترى شاشاة للكمبيوتر الجديد
وهذة اخر الاخبار المدوناتية
كانت معكم زهرة من 
برنامج الاخبار
بالله عليكم تدعولى الاقى شغل 
 

الأربعاء، 11 أغسطس 2010

مشوار عالسريع

السلام عليكم ورحمة الله وبركاتة
وكل سنة وانتم طيبين 
وفى رمضان صايمين
وعن التلفزيون بعدين
وفى ذكر رسولنا الحبيب فاكرين 
والقرآن مش ناسين
وفى صلة الارحام دايما متجمعين
والخير والبركة دايما موجودة
فى بيوتكم السعيدة

ابدا تدوين بقى مش معقولة كدة يا زهرة 
هاتفضلى تتكلمى بالشعر والا اية
دا انا المدونة بتاعتك وتعبت نفسيا منك اية دة
خلاص بقى زهقتينا
ههههههههههههههههههههههه
يحدثكم الان زهرة الاسلام
كل سنة وانتم طيبين
وكنت وعدتكم انى هاخدكم فى مشوار اول يوم رمضان

يلا بينا عشان منتأخر  
يلا كل واحد يلبس الهدوم اللى على الحبل 
ويتأنتك 
وياريت الشباب احلى برفان عندك حطة
والبنات احلى زى تستقبلى بية رمضان وانتى ونيتك بقى 
هههههههههههههه
يلا استعديتوا 
ناقص شئ مهم جدااااااااااااااااااااااااااا
الفانوس ابو شمعة
طبعا بتحايل على ماما عشان تجبلى فانوس بشمعة مش راضية 
يلا مش مهم
يلا كل خد فانوس بشمعة
يلا معايا 
حالو يا حالو رمضان كريم يا حالو 
هاااااااااااااااااااااااااااااااااااااااااا
رمضان جانا اهلا رمضان 
هاااااااااااااااااااااااااااااا
وحوى يا وحوى ايوحا وكمان وحوى ايوحا روحت 
يا شعبان ايوحا وجيت يا رمضان وحوى يا وحوى
هااااااااااااااااااااااااااااااااااااااااا
لفينا جمييع الشوارع وعلقنا الزينة وحطينا الفوانيس 
يبقى ناقص 
كنافة قطايف 
وحبت صواريخ
وسلام بقى كملوا المشوار لوحدكوا 
عشان انا جعانة ونفسى المغرب يأذن 
سلامممممممممممممممممممممم

السبت، 7 أغسطس 2010

مسلسل هدية



السلام عليكم
عذرا لهذا الغياب
ونروح لموضوعنا الغريييييييييييييييييب
وهو ان رمضان السنة دى 
على كل مسلسل هتشوفة هتلاقى علية مسلسل هدية
اية دة اية كمية المسلسلات دى
طب لية هما بيعوضوا عدم وجود الشيطان والا اية

تقريبا اللى هيتفرج على مسلسلات هيتجنن 
لانة مش هيعرف يتفرج على اية الاول
ياريت يا جماعة  محدش يفتح التليفزيون خالص
يعنى لو طيور الجنة ماشى 
بس مش كتييييييييييير 
هما دقية وكمان دقيقة كتيررررر
يلا وكل سنى وانتو طيبين
اقول بقى الشئ المهم جدا وهومسلسل ( الجماعة) 
يعنى هما للدرجة دى مخنوقين من الاخوان المسلمين
طب خليينا نكن معاهم
شوفتوا حد قبل كدة من الوزرا او الحزب الوطنى اتعملوا مسلسل 
ومهتمنين بية للدرجة دى كدة لا طبعا
اما الاخوان اللى بيقولوا كلام صح 
لا ازاى لا لازم نفضحهم ونشوة صورتهم 
لكن طبعا هما ميعرفوش ان كدة بيزودوا حب الناس للاخوان المسلميننن
شكرالوجودكم فى مدونتى وانكم محستوش بغيابى 
خاللللصصصصصصصصصصصص
يعنى كنتوا عارفين انى موجودة معاكم
 


السبت، 24 يوليو 2010

حياة سعيدة




   

حياة سعيدة
مع الاشباح
هى قصة انا كتبتها من خيالى لكن واقعية جدااااااااااااااا
كتبتها وانا نايمة وبعد ما خلصت كتابتها فى الذاكرة
صحيت جرى وقولت لماما تسمعى القصة اللى كتبتها 
طبعا ماما راحت قالية بسم الله الرحمن الرحيم
اية يا بنتى جرى لعقلك اية 
ارحمينى شوية طبعا
عشان ماما متعودة على كدة
القصة بسيطة جدا نروح بسرعة ونقول القصة كانت اسرحوا بخيالكوا معايا
ا/ مبارك : ييييييييييييي انا زهقان ومخنوق معيش شعبى فى سلام وامان مش مخليهم محتاجين حاجة ومشعارف اعمل اية جديد يا ماما يا ماما

الست اسرائيل هانم: اية يا حبيبى (بقمة البرود) مالك مخنوق لية حد دسلك على طرف 
عايش متهنى وفلوسك فى البنوك مخنوق لية

ا/ مبارك: مش عارف اعم حاجة جديدة للشعب حاسس انهم ملوا من اللى احنا بنعملوا عاوزين جديد
اسرائيل هانم: لية يا بابا معندك البطالة مرمت امالهم متخليش حد يشتغل وعلفكرة 
فى ناس بيروحوا يشتغلوا برة لية كدة هو مش انا مواصياك بالبهدلة
ا/مبارك: والله ياماة مبهدلهم اخر بهدلة دانا حتى مش مخليهم يبصوا وراهم قولى فكرة جدية

اسائيل هانم: طيب طب والحياة عاملة اية زود مصاريف المدارس ودخول المستشفيات ودمر الدكاترة عشان انتوا كترتوا اوى فى مصر لازم تقلوا خلى كل الدكاترة يموتلهم كام عيان
ا/مبارك: عامل دة كلوا يا اما اعمل اية تانى 
يا ماما عاوز حاجة جديدة يكون شعبى لسة مشفهاش قبل كدة
ماما : يا حبيبى واحدة واحدة هتلاقى شعبك فى جيبك

 ا/ مبارك: يا اماة ماهى انتى متعرفيش من ساعة خالد سعيد وشباب 6ابريل وكما اللى طلعنلى فى الزور الاخوان المسلمين والشعب بدأيفوق
انا خايف على المستوى الشع يا اماة

ماما هانم: متخافش يا حبيبى طوا ما انا وراهم مش هيفوقوا ابدا 
عجبنى الكاريكاتير دة فيارب يعجبكم

دة طبعا الحقيقة الظاهرة 
مصر عايشة فقمة السعادة بطالبوا بحقوقكم لية بقى 
مصر عايشة فى ازدهار بتقول فى بطالة لية 
مصر اسعارها مريحة بطالبوا بالمعاش لية
مصر بتحمى شعبها بتقول خالد سعيد لية
مصر فيها  كل الاحلام مخنوقين لية
مصر هى ام الدنيا امال ناسية ولادها لية
مصر هى الطيبة والحنان 
طبعا دى هوضحها بصورة
وهى

وفى الختام سلام عشان 
عاوزة احضر رمضان فى بيتنا الحبيب مع امى طبعا 
مش عاوزة احضرة فى حتة تانية

الثلاثاء، 20 يوليو 2010

الفارس الذى انتظرة


السلام عليكم 

 عارفة طبعا انى غبت  شوية طبعا لان الكمبيوتر باظ وبعدين  اتصلح لوحدة
مش عارفة ازاى

المهم اكيد الكل بيسأل اية اسم البوست الغريب دة
وطبعا كل زملاتى كانوا نفسهم يضربونى 

وبيقولولى حرام عليكى بتشوقى الناس وفى الاخر بيطلع شئ عادى بسيط

لكن كنت بسيبهم ومردش واقولهم ردى هايكون على المدونة
وهو ان انا ايام لما كنت عاوزة اكون صحفية اتعلمت ان لازم يكون العنوان
يكون جذاب جدا

السبت، 17 يوليو 2010

الحقيقة

السلام عليكم
اولا احب اقول انى عجبنى تعليق 
صاحب مدونة قلب فارس جدااااااااااااااااااااا
لية لانة قال اللى عاوزة اقولة فى كلمتين
وكان تعليقة 

ليس ذاك ولا ذاك
المسجد الاقصى هو كل مابداخل السور

هو دة التعليق تقريبا مقدرش اقول حاجة اكتر من كدة 
اولا انا عاوزة اوضح الاول انا لية 

كتبت البوست دة لية
وهو الصراحة انا بحب جدا احضر المؤتمرات السياسية
فحضرت مؤتمر قبل منزل البوست دة بيوم

وعرت فى حجات انا شخصيا مكنتش عارفاها ويومها زعلت من نفسى

الاثنين، 12 يوليو 2010

فين الصح

فين الصح
طبعا كلنا بنختلف كثيرا بين المسجد  الاقصى 
ومحدش بيعرف انهى وفى اختلافات كتيررررررررررررررررررررر
جدا طيب هاعرض عليكوا صور 
وهاكتب

الجمعة، 9 يوليو 2010

سلام للنونو(آية)



السلام عليكم
وحشتنى المدونة كتير ووحشنى زوارها
ولكن كنت فى حرب

وزيادة عدد الاسرة من جديد
وهو وصوووووووووووووووووووووووووووووول
بنت اختى
طبعا كنت قلت قبل كدة ان اسمها مرام
طبعا ممتى حملمت انها اسمها اية
فاتسمت آية

وطبعا انا فرحانة بيها جدا
لانى هاكون خاله لرقم 9

وكمان انا اصغر واحدة فى اخواتى وبردة رقم 9
طبعا مش عارفة اقولكم

هدوء اية وجمال اية
لدرجة انى هاتجنن ونام
طبعا الكل رمونى فى النار
مع العيال

هما يناموا الصبح ويصحولى بالليل
لما بجد نفسى اناممممممممممممممممممممممممممممممممم

لاكن طبعا بما ان العيلة كلها عندنا
فالنوم هو حلم طبعا
على فكرة انا نسيت
انهاردة السبوع
يلا كل اللى يقرا البوست يمسك شمعة


ويقول حلقاتك برجالاتك
لان احنا معملناش سبوع
هنعمل عقيقة فى رمضان
يلا واسيبكم مع سلاممممممممممممممممممممممممممممممممم
للنونوووووووووووووو






وكمانننننننننننننننننننننننننننن
يا ابو الريش

عارفة انى مجنونة فى بعض الاحيان

لكن بعيش حياتى والله الحمد صح







يلا ومحدش ينسى
يجيبلى سبوع
احسن هازعل خالصصصصصصصصصصصصصصصصصص


الخميس، 1 يوليو 2010

يوم سعيد

السلام عليكم ورحمة الله وبركاتة
ننقل لكم احداث هذا اليوم السعيد تنقلة لكم
زهرة الاسلام
هذا اليوم كل الناس طالعة من بيوتها فرحانة وسعيدة والكل بيهنى التانى
والاطفال فرحيين للغاية
فهو اليوم الاكثر سعادة

كانت معك زهرة الاسلام
من قناة ضرب نار
ودمتم فى خير وكل عام وانتم بخير

دة كان الحلم اللى بحلم بية ليوم الاسراء والمعراج يا ترى هيكون بنفس الفرحة
انا هاعرض فيديو يا رب يعجبكم
وللمعلومة دة مش صوتى عشان محدش يقول ان
دة صوتى



اية رايكم

دة غير ان طيور الجنة دايما فهمانى او انا اللى بنفس فكرهم
طلعو فيديو انا كنت محتجاة صراة الله يكرمهم
وهو يارب نصلى فى الاقصى
اللهم امين




وفى نهاية النشرة الحمساوية نقول لكم
دمتم فى خير
سلامممممممممممممممممممممممممممممممممممممم

الأحد، 27 يونيو 2010

انا بحب


طبعا عارفة انى هيقام عليا الحد بسبب اسم البوست دة
ويا سلام لو مامتى شافت البوست دة يا عينى اكيد هتفقد الثقة فيا
دة غير ان كل اللى هيدخل ويقرا البوست ياللهول

دى كارثة
صح يا جماعة هو دة اللى هيتقال
ويا سلام اصحابى يمسكوهالى زلة

وعلى فكرة اللى بحبة شخص عظيم بحبة حب كبيررررررررررررررررررررررررررررررر
اوى
وهو روحى وعقلى وكل حاجةى فى حياتى

لدرجة انى بسرح وبكر فى ليل ونهار
مش حبيبىىىىىىىىىىىىىىىىىىىى

طبعا زمان الك خد فكرة وحشة عنى ودماغة راحت لبعيد
عارفين مين حبيبى
رسولى صلى الله علية وسلم

لية بنستخدم الرومانسية والحب غلط لية داييما
الناس بتفتكر ان الشخص المتدين
معندوش قلب
لازم نفرق بين الحب الغلط والصح
فى الحب الصح
وهو حب الله عز وجل ورسولنا الحبيب

وعلى فكرة كل سنة وانتوا طيبيبن بمناسبة الاسراء والمعراج
ويارب يكون السنة الجاية نحتفل بية فى المسجد الاقصى الحبيب
وفى النهاية عرفتوا مين حبيبى؟؟؟؟؟

Related Posts with Thumbnails