إجمالي مرات مشاهدة الصفحة

الأربعاء، 14 أبريل 2010

حياة حشرة ايقظت امة

دة اخر جزء فى وطنية
احب اعرف رأيكم فى القصة كلها واية كان عيوبها
وثانيا اى خطا فى الكتابة عذرا يا جماعة بنت اخويا كانت بتححب تكتبلوكم شوية وتتعرف عليكم
يذهب الجميع للاجتماع

غتيت لفتحى : وبعدين يا فتحى خلصنا من مقاوم طلع لن مهموم يقلب علينا اللجان الدولية ويقول علينا حرامية
فتحى : سيبك منه ده عيل بيهلفط وكفاية عليه ابوة ما انت موصيه وبدين حتى لو جه فى الاعدة انت مليت كلامه يبقى ايه حيهمك منه اية
غتيت : ماتصتصرش حجم النملة ممكن تحفر تحت الارض ويامه حذرت مصالح من زنه وعموما انا عينى عليه ومن الاجتماع هارميه
واسيبكم معى الفيديو دة للتوضيح اكتر



اجتماع الجيران وغتيت فى الشباك زى الحراميه
مهموم : احنا هنا انهاردة عشان نجيب حق الست دى اللى ضايع من سنين وجبت معايا اللى شايل هم القضين أخويا مقاوم
غتيت ينادى على فتحى من الشباك
غتيت : فتحى تعالى يا بابا الحقنى لازم تعمل الواد جابلى مقاوم والواد ده مبهدلنى وواقف لى ذى الشوكة فى حلقى فكرفكر هتعمل فيه ايه
فتحى : سيبلى الموضوع دة انا داخل وهتصرف
غتيت : طيب ابعتلى مصالح أوصيه برضة
فتحى : ماشى ماشى ويقرب ويكلم مصالح ويروح مصالح لغتيت
فتحى : يدخل يا أهلا يا شباب متجمعين على خير إزيك يا امه ممكن اعرف اللمه ده ليه
وطنيه : وانت مالك يا فتحى من إمتة شايل همى
فتحى : انا كبيرب يا امه وابن القتيل ولو فيه كلام يبقى معايا انا مش الوله بتاع امبارح مقاوم أنا المسؤول هنا وهو مش وصى عليه

وطنيه : ده انا اخترته انا وأختك وعياله وبيحموا بيتى وبيحاولوا يرجعوا الباقى لية (وبداوا فعلا يأثروا على غتيت وهو اللى اتوجع فى عياله ماتوا قدام عينيه وضحى بيهم مش ذى ناس قاعدة فى الضل واكلين شاربين من ايد مين قاتل ابوهم إنت خاين مش لية واحدى لأ انت خاين لابوك وأخواتك ومن يوم ما مديت ايدك فى ايد غتيت وانت مش صالح تشيل القضية

فتحى : بقول ايه يا رجاله لو فيه موضوع يتفتح معايا وانا مش هخلى القاعدة دى تتم غير لما الواد دة يمشى يلا كل واحد على بيتة
مهموم : لو سمحت يا استاذ فتحى مقاوم هو المسئول عن القضية وهو السلطة الشرعية واللى يتكلم هنا

مصالح : وإنت تخرص وتخج من هنا انت اتكلمت ليه انا اللى مفروض احاور هنا
مهموم : لا يا ابا كفايه حبس لحد كة عذبتنى عشان القضية دى كتير ومنعتنى عنهايامه لا لا المرة دى لأمش حسكوت

غتيت يأتى من الخلف يضرب مهموم على رأسة ويجرى ومهموم يقع على الارض
فتحى : يلا بقى من هنا لما أكون انا المسئول وانا اللى بتكلم عن العيله دى خلاص الموضوع يتم
وطنية : عايز ايه يا ابنى ايه اللى وراك

مصالح ينادى على الجميع دى قاعدة عائليه واحنا مالناش فيها يلا من هنا يلا
وطنيه : رد يا فتحى رد
غزة : سيبيه يا امه هو باع نفسه وقبض الثمن ولسه عايز يقبض ثمن القضيه ذاتها
مقاوم : مابقاش حقه دلوقتى يا غزة دلوقتى انا اللى المفروض ادافع عن حق ضايع من سنين واحنا فيه موجودين بس لو عايز يمد ايده معايا انا اهوه بمد ايدى عشان نرجع بيتنا وارضنا وشرف ولادنا ويمد ايدة
فتحى : يخبط مقاوم على دماغه ويجرى ومقاوم يصرخ اه
تغلق الستار

مهموم : يخبط على بيت مشاكل وهو رأسه معصوب

مشاكل : مهموم إنت مش ابوك حبسك عرفت تطلع ازاى
مهموم : انا اتصرفت المهم ايدك فى ايدى ونشيل القضيه سوا قبل ما غتيت يسرى فينا زى الوبا

مشاكل : طب واللى انا فيه
مهموم : اللى انت فيه غتيت السبب فيه لازم تواجه بقى ندافع ونتعاون على خروجة من حياتنا
مشاكل : هحاول ابقى معاك
مهموم : لا حتيجى وتحط ايدك فى ايدى
مشاكل : موافق
مهموم يذهب الى ملخبط
ملخبط : مين مهموم سبنى فى حالى انا مش ناقص ويحاول اغلاق الباب
مهموم : كفاياك لخبطة فى حال مع عيالك سبته ياخد حته من بيتك ومش عارف تردها مع انك تقدر ترجعها كويس قوى بس انت مش عارف تعمل ايه تايه وملخبط
ملخبط : يعنى اعمل ايه
مهموم : نشبك ايدينا فى ايد بعض عشان ولادنا من بعدنا يجنو ثمار حبنا ويعيشوا فى ترابط بعدنا
وتنزل الستار ثم ترفع على الجميع

مهموم ينادى على مقاوم من خلف ابيهايدك فى ايدى يا اخويا
ولمناحواليك يمكن على ايدك نرجع الماضى اللى فات
ويمكن جرحك يكون سبب

يجمعنا








السبت، 10 أبريل 2010

وطنية رجعت


غبنا شوية عليكم ولاكن رجعنا تانى لوطنية
وخلاص هى بقت فى اخيرها وان شاء الله هحاول اصورها كمسريحية بأطفال صغيرة
لتكون مشوقة اكثر ولاكن ان اقدرت
وهنبدا نقول ياترى جواز غزاوية هتم والا لا يلا نروح نشوف
وطنية : لا والله وبقيت راجل يا عنية ودة قرارك ولا قرار اللجنة الدولية
فتحى : انا السلطة هنا وكلمتى تسير عليكى يا وطنية
وطنية : ودة من امته مقاوم جوز بنتى واختيارى لية سلطة شرعية بموافقة غزاوية وفى خيمتى حيعيشوا معايا راضيين بهمى وهيخففوا عنى وعيالهم تربيتهم علية اما شرطى يا مقاوم غتيت واللى معاه مايتهنوا من الليلة دية
مقاوم : وده بقى من عنية
مرت السنيين
غتيت لفتحى : وبعدين يا فتحى سنين وانا مش عارف ارتاح من مقاوم وغزة ومن وراهم وطنية لازم حل للمشكلة دية وكل ما حاول اخلص منه يجيب بدل العيل اثنين مراتة ارنبة قوية
وان سكت عليه كل مخططاتى قمت بيه هيضيع ومشروعى فى المنطقة مش عارف اقوم بيه
بعد ما حققت نجاح كبير وفضلك معايا كتير
شغلت مصالح بحبة لنفسة ويرضى الامريكانية
ومادى مليت بطنه بفلوسى ورظيتة ببنت بريطانية وولائه بقى ليه
ومشاكل مليت بيته بخناقه عياله اشى مسلم على ارز على نصارى وكمان ماسونية وشيعة مدارية
وملخبط واخد منة حته من بيته وخليته يتخبط فى بيته ويضرب فى عياله قبل مايضرب فيه

فتحى : خلاص يا عمى غتيت حل مشكلتك عليه بتدخل هيئه دولية
غتيت : ازاى
فتحى : مقاوم سلطة غير شرعيه وهجمع الجيران تحكم فى الحكاية ديه وضرب حمساويه عليه وهضيع لهم القضيه
غتيت : ومن قبل كدة دبح عيالهم عليه
غزة تصرخ هى وطنية
وطنية : حرقوا العشة عليه الحقونى ياناس عيالى بتتحرق فينك يا لجنة دولية (احداث حرب غزة)

غزة : لا تصرخى يا امه انما محتسبة عيالى وهجيب بدل اللى راح ميه ومقاوم واقف جسور بيدافع حتى لو قطعوه بقرارات دولية ومعاه عيالى حمساوية زغرتى ياامه بتك خرجت بدل الشهيد ثلثمية ودى فرحة كبيرة قوى عليه
وطنيه : يحفظك يا بنتى من اعدائك ليوم الدين بتحافظى عليه
مصالح : بتحافظ على ايه انتى مجنونة يا وليه بهدلتينا معاكى بعملتك ديه من يوم ماجه مقاوم وإحنا مش مرتاحينوقلبتى علينا الامريكانيه وكلن لينا معاهم لقمة بردة انا لازم اعمل قاعدة فى الحتة دية نحل فيها المشكلة دية
مهموم ( الاخوان المسلمين) : يا ابا وانا جى فيها انا وأخواتى ندافع عن حق خالتى وطنية
مصالح : اخرص ما تدخلش وانا يااااااااااامه لا عن القضية وتعبت فيك ضرب وحبس سنين وسحبت منك ملايين (هى دى الحاجة اللى توجع منكم لله )
مهموم : طول عمرى حقف معى المظلوم دة مكتوب ربنا عليه يا روشه يا مشغول يا مخالف مدوا ايديكم فى ايدية نساعد وطنية
روشة ( بنات الايام دول) : أووووووووووة ايه دة بقى انا مش فاضية غتيت فتح مول كبير وحجيب منة فساتين وخواتم وتشكيله من اللى
هى
مهموم : طبعا ما هو شاغلك عن القضية بأمور الدنيا وشرى بضايع يهودية وبحجة انها صناعة محلية
روشة : اية دة ما توترنيش بكلامك انا مش فاضيه وراية شلة مستنية باى وبعدين كلمنى فى الحكاية دية هاةةةةةةةة اية رايك مكسم علية
مهموم : شغلوكى يا اختى بالموضة والوان مكياج تاكل من رقتك فين ايام لما كنتى متغطية
وانتى يا مخالف لإمتة حتفضل ساكت وما بتشارك
مخالف : ماسك المصحف يقول كفايةعليه ربى معين لية منتظر فرجة عليةواللى مكتوب يحله ربنا لية

مهموم : يعنى ايه حتفضل قاعد فى صومعتك وهو دة يرضى ربنا صمتك على ظلم وليه وضياع قضية

مخالف : ربنا قال ندعى ونتقرب ليه ونطيع ولى الامر ولو قال ندافع انا اول من يقوم مش تقولى مقاطعة دولية

مهموم : دة سلاح بنحاول بيه ومعاه دعايا ودعاك ولقمة تتقدم لهم هديه

مخالف : بص يا مهموم طول عمرك بداخد من اكلك وتديهم وتصلى وتدعى ليهم وهدومك مش شرعية

مهموم : هو انا لازم البس جلابية عشان ادافع عن القضية

مخالف : والذقن ناسيها بردة قعديا مهموم معايا اعلمك زى نبيك واترك القضية على ربك يحلها بعبادتك

مهموم : لية وهى دى الطريقة الشرعية لية هو نبيك قعد فى بيته يدعى للإسلام من غير كلام نبيك واجة وأهلوا عادوه وحاربوه عمل اللى عليه ما انتظرش مدافعة ملائكيه وتوصيل الرساله لازم بحركة وسعى مش قاعدة مدارية

مخالف : أنا القران كغايه عليه

مهموم : يبقى مافهمتوش صح ودى قرايةما فيهاش مفهومية دة فى آياتة قالك "إياك نعبد وإياك نستعين" لازم الدنيا تمشى بالاتنين تعبد وتسعين تتحرك وتساعد الملايين دى الدعوة شرعية وضرورة اجتماعية

مخالف : إنت ملكش دعوة بية
مهموم ينادى على مشغول

مهموم : مشغول يا اخويا ساعدنى لنشر القضية

مشغول : يا اخويا سيبنى فى حالى وفى اللى جراللى أبوك مانع عنى الاكل وانا أبو عيال محتاج لجنية اتعشى بيه ومش عايز مشاكل معى ابوك أحسن يمنع عنى حتى شوية الميه

مهموم : ماشى يا اخواتى هروح ولو لوحدى اساعد خالتى وطنية واحط ايدى فى ايد مقاوم والحمساوية


كدة خلص جزء انهاردة وان شا ءالله الجزء القادم اخر جزء فى وطنية ولاكن جزء انهاردة كان بيكلم جميع
فئات الشعب المصرى يا ترى انت مين فيهم
؟؟؟؟؟؟؟؟؟؟؟؟؟؟؟؟؟؟؟








الاثنين، 5 أبريل 2010

الاهرامات التلاتة


السلام عليكم ورحمة الله وبركاتة
انا طبعا ان شاء الله هكمل قصة وطنية فى الايام القادمة لاكن حبيت اخد فاصل فى النص
وانهاردة هاتكلم عن موضوع والا هو عن فلسطين والا المسجد الاقصى
لان طبعا ناس كتير بتقولى غيرى ومتبقيش على نفس الموضوع اللى بتنشرية
ومطولش عليكم
وأنا قاعدة فى امان الله لقيت ماما بتقول لأخويا جيبلنا لحمة وانتى جاى من الشغل
ووماما عطيتلوا 50جنية لان مكنش معاها فكة
وبردة فى امان الله لقيت اخويا راجع
وبيقول لماما اللحمة اللى فيها دهن 56والصافية60
وانا فى هذة اللحظة انا قولت انى نايمة وبحلم وقولت لنفسى احترمى نفسك وقومى حرام عليكى تغالى على الناس كدة
وفجأة اتصدمت وعرفت الحقيقية انى مكنتش بحلم
والخبر دة بجد
انا عاوزة اعرف اية سبب الغلو
هل لقوا الشعب المصرى معاه فلوس كتير عشان كدة حابيوا يستغلوهم
والا لقيين الشعب مبيتكلمش فقالوا نكمل عليهم
والا اية السبب
طب يا ترى اللى عاوز ياخد صورة جمب اللحمة ياترى حتبقى بفلوس والا تقسيط ؟
ياترى دةى هدية رجوع الريس بالسلامة؟؟؟؟؟؟؟؟؟
والا وصول الانتخابات؟؟؟؟؟؟؟؟؟
والا حابين يرفعوا ميزانية دخل الموظف (على اساس ان الموظف بياخد شئ)
والا اقولكم والا اقولكم والا اقولكم
انا بجد مش عارفة اقول اية؟؟؟؟؟؟؟؟؟؟؟؟؟؟؟
سايبالكم انتوا الكلام لقنى مش لاقية كلام
وقول سلام


الخميس، 1 أبريل 2010

كلاكيت تالت مرة

ندخل فى الموضوع على طول ونقول
كلاكيت تالت مرة


فتحى : وهى فين الديار ماعدش لينا حتى جدار
وطنية : نسيت قضيتنا وبيتنا يا فتحى
فتحى : يا امة فوقى من الحكاية ديه عايزين نعيش شويه قربنا نخلص خلاص دة مات من عيالك بدل الواحد ميه
وطنية : ياويلى يا ويلى كل العذاب اللى عشت فية عشانك وبيت ابوك يجع ليك ولاخواتك وعيالكو يعيشوا بشرف ويرفعوا الراس بدل مايتقال ضحك غتيت على اجدادكو وسرق منكم دياركو وتعيشو بعاركو
فتحى : يا امه حقى اعيش طلعت الاقى جيرانى فى الهنا عايشين وواحنا فى الزبالة متمرغين وفى العيد فرحانين والجديد لابسين واحنا فى الذل عايشين نفسى اضحك ضحكهم نفسى البس زيهم بكره كل جيرانه دول بكرة حتى ضلهم
وطنية : واحنا مالنا بيهم دة قدر ربنا علينا ندافع عن اراضينا وهم يا ويلهم من رب لا بيغفل والا بينام وهيحاسبهم فية عن دم مسلم شربة الجبان
فتحى : يا امة اسمعى كلامى غتيت من كام يوم سمعتة بيقول ممكن يخلينا نشتغل عندة خدمين ويدينا عشة نعيش فيها متاحين
وطنية : تضربة باللقلم اخرص احنا بعد مماكنا اسيادة نبقى لية خدمين تحرم علية ليوم الدين
غزة (بنت وطنية) : اهدى يا امه دة ما يستهلش حتى الكلام
(فتحى يجرى وينادى على غتيت وياخدة فى حضنة ويدخلة البيت)
وطنية : يا ويلى ابنى يدخل فى حضن قاتل ابوة واخوة ووايدة مليانة بدمنا ياعار السنين عليك ياوليدى يا عار السنين عليك ياوليدى
فتحى معى غتيت
غتيت : ققعد يا حبيبى جعان يا بابا كل كل
فتحى ياكل بشراهة

غتيت : ياة اتبهدلت كتير بسبب دماغ امك بس انا هريحك هسكنك فى العشى اللى وراة البيت بتاعى اللى اخذ تها من ملخبط ولك منى كل يوم احط لك فى البنك جنية وهركبك عربية سيفورلية وهأكلك فراخ بانية ولا اية
فتحى : اية دا انى طلباتك اوامر يا بية
وطنية معى غزة

غزة : والله يا امة انا حلفت ان ما يجوزنى الا اللى يدفع مهرى من دمة عشان كدة رضيت بمقاوم ابن عمى راجل ودمة من دمى حامى طول عمرة والشرف همة(نادر الناس دلوقتى يا جماعة دة تحذير منى دة زمن عدى وفات)
وطنية : يحميكى يا ببنتى ويحمية وعشان كدة زفافك بكرة علية وهقول للجيران عليه يا مصالح يا مادى يا ملخبط الفرح الليلة على بابنا بيخبط بزفاف مقاوم وغزة يمكن على ايديهم تيجى العزة
يخرج الجميع متعجب
مصالح : اية دة ياست وطنية هو انتى مالقتيش الا مقاوم لغزة دة هى دايما نأحه عليها العزة تقومى تزويديها بمقاوم
غزة : اصلة راجل مش نايم ويجى هايم وعلى ايديه هترجع دار وطنية ودة عهد عليه
مقاوم : انا جيت اهو يا امه وطنية لبيت ندائك لية وهتجمع انا وغزة ونجيب بدل العيال مية وهسميهم حمساوية
غتيت من خلف الشباك
غتيت : ايه ده يا فتحى شكل الواد ده هيجيب مشاكل لية
فتحى : سيبهولى وانا هخلصك ما المشكلة دية
يخرج فتحى متجها الى امة

فتحى انا رافض الجوازة دية

وسؤال الحلقة اليوم ياترى هتم الجوازة والا اية
كرومبو كرومبو معى المفتش كرومبو
وطبعا اللى قال السؤال طبعا مش زهرة الاسلام دة المفتش كرومبو
ردو علية بقى



Related Posts with Thumbnails