إجمالي مرات مشاهدة الصفحة

الاثنين، 5 أبريل، 2010

الاهرامات التلاتة


السلام عليكم ورحمة الله وبركاتة
انا طبعا ان شاء الله هكمل قصة وطنية فى الايام القادمة لاكن حبيت اخد فاصل فى النص
وانهاردة هاتكلم عن موضوع والا هو عن فلسطين والا المسجد الاقصى
لان طبعا ناس كتير بتقولى غيرى ومتبقيش على نفس الموضوع اللى بتنشرية
ومطولش عليكم
وأنا قاعدة فى امان الله لقيت ماما بتقول لأخويا جيبلنا لحمة وانتى جاى من الشغل
ووماما عطيتلوا 50جنية لان مكنش معاها فكة
وبردة فى امان الله لقيت اخويا راجع
وبيقول لماما اللحمة اللى فيها دهن 56والصافية60
وانا فى هذة اللحظة انا قولت انى نايمة وبحلم وقولت لنفسى احترمى نفسك وقومى حرام عليكى تغالى على الناس كدة
وفجأة اتصدمت وعرفت الحقيقية انى مكنتش بحلم
والخبر دة بجد
انا عاوزة اعرف اية سبب الغلو
هل لقوا الشعب المصرى معاه فلوس كتير عشان كدة حابيوا يستغلوهم
والا لقيين الشعب مبيتكلمش فقالوا نكمل عليهم
والا اية السبب
طب يا ترى اللى عاوز ياخد صورة جمب اللحمة ياترى حتبقى بفلوس والا تقسيط ؟
ياترى دةى هدية رجوع الريس بالسلامة؟؟؟؟؟؟؟؟؟
والا وصول الانتخابات؟؟؟؟؟؟؟؟؟
والا حابين يرفعوا ميزانية دخل الموظف (على اساس ان الموظف بياخد شئ)
والا اقولكم والا اقولكم والا اقولكم
انا بجد مش عارفة اقول اية؟؟؟؟؟؟؟؟؟؟؟؟؟؟؟
سايبالكم انتوا الكلام لقنى مش لاقية كلام
وقول سلام


هناك 28 تعليقًا:

مسلمة يقول...

سبحان الله فعلا غلاء اللحمة ظاهرة رهيبة والسبب لا يعلمه أحد . وسمعت فى بعض البرامج بالتليفزيون ان فى حملات مقاطعة للحمة عشان سعرها يهدى شوية .

زهرة(جنى)الاسلام يقول...

مسلمة اولا نورتى المدونة
ياريت يعملوا شئ لان بجد بتغلى بطريقة غرييبة ومشمفهومة وياريت بنبقى وثقين هى لحمة بجد والا حاجة تانية

كريم مصطفي سيد يقول...

السلام عليكم
الغلا ء في مصر خلاص بقا شيء عادي كله بسبب الكلب قل اسمة بطرس غالي شوية وحينزل ضرائب علي الماشيين في الشارع وضرائب علي المظاهرات ... رجوع الريس ايه صلوا علي النبي هو شايف قدامة ده خلاص انتهي

زهرة(جنى)الاسلام يقول...

اخى كريم مصطفى
وعليكم السلام ورحمة الله وبركاتة
مش بطرس غالى فقط
نظيف اللى جى ينظف جيوبنا
نقول اية حسبنا الله ونعم الوكيل

أبوأويس محمود يقول...

للاسف شوية حرامية حاكمة البلد لا يخافون الله اشمعنا اللحمة يعنى اللى مش هاتغلة

sun of free dom يقول...

حسبى الله ونعم الوكيل
الناس دى مش هاتيجى الا بالشبشب

زهرة(جنى)الاسلام يقول...

اخى الفاضل
ا/ابو اويس محمود
هما فعلا بلطجية وحاكمين بلادنا
شكرا لمرورك الرائع على مدونتى المتواضعة

زهرة(جنى)الاسلام يقول...

sun of free dom
لا هما الشبشب بسيط عليهم
ممكن رميا بالرصاص

عمرو جويلى يقول...

السلام عليكم
كل شىء الأن فى مصر
غلى ونقصوالغلاء ظاهرة
طبيعية فى مصروبعض
المحافظات تباع فيها
اللحوم بـ50 جنيه
فالغنى قادر على شراء
أى شىء ولو تباع اللحوم
بـ70 جنيه أما الفقير
يرجو ويتمنى ألا تغلو الأسعار
فحسبنا الله ونعم الوكيل فى كل ظالم وحسبنا الله ونعم الوكيل فى كل واحد يستغل الآخر
فهذا أسلوب الإستغلال
وجزاكِ الله خيراً على هذا الموضوع الهادف وبارك الله فيكِ وأشكرك على هذا الجهد الوفير جعله الله فى ميزان حسناتك
دام قلمك
خالص تقديرى

زهرة(جنى)الاسلام يقول...

وعليكم السلام
ا/عمرو الجويلى
اخى الفاضل هو اللى بيشترى اللحمة بالسعر دة الغنى فعلا زى مااحضرتك قولت
ولاكن فى مصر بينقسم الى
فقير طبقة متوسطة وغنى
طب هما دلوقتى خلوا الطبقتين طبقة واحدة
هما عاوزين يكون فى فقير وغنى بس
شكرا على مرورك الرائع اخى

MOHAMMED ELBANNA يقول...

زهرة الاسلام
فعلاً الموضوع اصبح صعب وخاصه على الفقراء ومحدودي ومعدومي الدخل .
ومن لا يرحم الناس لا يرحمه الله ومن يتاجر في اقوات الشعب لن يسامحه الله على ذلك .
تقبلي تحياتي
محمد البنا

زهرة(جنى)الاسلام يقول...

اخى محمد البنا
جزاك الله خيرا على هذا المرور الطيب
وفعلا الحكومة عاوزة تخليهم معدومى الدخل

رابطة هويتي اسلامية يقول...

السلام عليكم ورحمه الله وبركاته

اسال الله ان يوفقك لكل ما يحبه ويرضاه

تعالى معنا نملأ كوبا من اللبن

والدعوه للجميع نريدكم ان تملؤا اكوابا من اللبن فى مدونه رابطه هويتى اسلاميه
الدعوه عامه

زهرة(جنى)الاسلام يقول...

وعليكم السلام
رابطة هويتى اسلامية
وان شاء الله نكون معاكم فى هذة الدعوة
شكرا لمروركم الرائع على مدونتى المتواضعة

مشخبطاتي يقول...

سلام الله ننشره هنا..

الصورة روعة ومعبرة جدًا..ويابختكم اللحمة عندنا بـ 70 .. وسلملي على محدودي الدخل !

زهرة(جنى)الاسلام يقول...

مشخبطاتى
70 جنية ازاى يعنى احنا كدة فى نعمة
دة كدة معدومى الدخل

محمد نشأت يقول...

جزاكى الله خيرا على هذا المقال الرائع اللى طعمه اروع ..وبجد محدش يختلف على ان مصر بتغرق مصر بتتسرق قدام عينا ... الحاجة الوحيدة اللى احتلينا فيها المركز الاول عالميا هيا الفساد والتزوير والرشوة والواسطة وطبعا جهاز امن الدولة..بحلم بمصر من غير فساد ..من غير تزوير...من غير حزب وطنى////// وطبعا اشكرك على تعليقك على المدونة وبالمناسبة انا عملتلها جروب ع الفيس توك اتمنى الانضمام

مرايتى يقول...

خلاص ماعدش حد حياكلها حيتسمع عنها بس وتتشاف فى محلات الجزاره

ورغم الإضراب إلى كتيييير عملوه خلاص الدوله ما بقتش بيتلوى دراعها

أنا بتخيل بطرس غالى ده غلط مره ونزل الشارع الناس حتعمل فيه إيه
حسبى الله ونعم الوكيل غلاء غلاء غلاء

فشكووول يقول...

يا زهره

السلام عليكم

استعدى يا زهره ان كيلو اللحمه حيوصل ثمته الـى 100 جنيه قريب لان البلد دى ما بتعملش حاجه خالص عشان تحل اى مشكله وسايبه المشاكل تحل نفسها وعلى حساب مواطنيها وخلاص

تحياتى

زهرة(جنى)الاسلام يقول...

اخى الفاضل محمد نشأت
جزانا واياكم
اماالموضوع مش طعمة اروع ممكن نتصور جمبة لانة من ريحة اللحمة
اما حلم حضرتك فأكيد كل المصريين بتحلم بيه
واكيد هاييجى يوم ويتحقق
شكرا لمرورك الرائع على مدونتى

زهرة(جنى)الاسلام يقول...

مرايتى
والله اختى حتى السمع ياخوفى لا يبقى بفلوس
والله يستر علينا وانا عن نفسى الحمد لله ماليش فى اللحمة كتيرر
هما يكترو من المكرونة يبقى كدة فادونىهههههههههههه
شكرا لمرورك الرائع

زهرة(جنى)الاسلام يقول...

وعليكم السلام ورحمة الله وبركاتة
اخى فشكول
اولا جزاك الله خيرا على هذا المرور الرائع على مدونتى المتواضعة
يا خوفى لايحطوها فى المتحف وتبقى ثروة قومية وممنوع الاقتراب

الغاردينيا يقول...

ههههههههه

يا حبيبتي هذة علامات الساعه صارت

بكل مكااااااااان في غلاء

نسال الله السلامه بس ^_^

اقصوصه يقول...

المفروض ع الازمه العالميه

تنخفض الاسعار :(

Rady.Zidane يقول...

سلام عليكم اولا
ثانيا هنقاطع إيه ولا إيه لحمة ولا بطاطس ولا بصل كل اللي نقدرو نعملوه نقول حسبنا الله ونعم الوكيل ولابد من يوم محسوم تترد فيه المظالم ابيض على كل مظلوم واسود ومهبب على كل ظالم يسلم عليك يا ابنودي وجزاكي الله خيرا يا زهرة وربنا يكرمنا واولادنا تيجي في وقت احسن من ده لأن أنا اتولدت في عهد اللي منه لله ومش ناقص عيالي ييجو في عهد ابنه وسلام عليكم في امان الله ورعايته

زهرة(جنى)الاسلام يقول...

الغاردينا
اولا جزاكى الله خيرا على هذا المرور الرائع
وهى فعلا من علامات الساعة بس لازم نتكلم ومنسكتش على الظلم

زهرة(جنى)الاسلام يقول...

اقصوصة
دة المفروض بس اكيد متعرفيش مصر كويس كلى يقل لاكن فى مصر تغلى وتغلى هو دة حالنا
شكرا لمرورك الرائع على مدونتى المتواضعة

زهرة(جنى)الاسلام يقول...

ا/راضى وعليكم السلام
شكرا لمرورك الرائع على مدونتى المتواضعة
اما عن الغلا فعلى راى حضرتك هنقاطع اية والا اية

Related Posts with Thumbnails