إجمالي مرات مشاهدة الصفحة

السبت، 10 أبريل، 2010

وطنية رجعت


غبنا شوية عليكم ولاكن رجعنا تانى لوطنية
وخلاص هى بقت فى اخيرها وان شاء الله هحاول اصورها كمسريحية بأطفال صغيرة
لتكون مشوقة اكثر ولاكن ان اقدرت
وهنبدا نقول ياترى جواز غزاوية هتم والا لا يلا نروح نشوف
وطنية : لا والله وبقيت راجل يا عنية ودة قرارك ولا قرار اللجنة الدولية
فتحى : انا السلطة هنا وكلمتى تسير عليكى يا وطنية
وطنية : ودة من امته مقاوم جوز بنتى واختيارى لية سلطة شرعية بموافقة غزاوية وفى خيمتى حيعيشوا معايا راضيين بهمى وهيخففوا عنى وعيالهم تربيتهم علية اما شرطى يا مقاوم غتيت واللى معاه مايتهنوا من الليلة دية
مقاوم : وده بقى من عنية
مرت السنيين
غتيت لفتحى : وبعدين يا فتحى سنين وانا مش عارف ارتاح من مقاوم وغزة ومن وراهم وطنية لازم حل للمشكلة دية وكل ما حاول اخلص منه يجيب بدل العيل اثنين مراتة ارنبة قوية
وان سكت عليه كل مخططاتى قمت بيه هيضيع ومشروعى فى المنطقة مش عارف اقوم بيه
بعد ما حققت نجاح كبير وفضلك معايا كتير
شغلت مصالح بحبة لنفسة ويرضى الامريكانية
ومادى مليت بطنه بفلوسى ورظيتة ببنت بريطانية وولائه بقى ليه
ومشاكل مليت بيته بخناقه عياله اشى مسلم على ارز على نصارى وكمان ماسونية وشيعة مدارية
وملخبط واخد منة حته من بيته وخليته يتخبط فى بيته ويضرب فى عياله قبل مايضرب فيه

فتحى : خلاص يا عمى غتيت حل مشكلتك عليه بتدخل هيئه دولية
غتيت : ازاى
فتحى : مقاوم سلطة غير شرعيه وهجمع الجيران تحكم فى الحكاية ديه وضرب حمساويه عليه وهضيع لهم القضيه
غتيت : ومن قبل كدة دبح عيالهم عليه
غزة تصرخ هى وطنية
وطنية : حرقوا العشة عليه الحقونى ياناس عيالى بتتحرق فينك يا لجنة دولية (احداث حرب غزة)

غزة : لا تصرخى يا امه انما محتسبة عيالى وهجيب بدل اللى راح ميه ومقاوم واقف جسور بيدافع حتى لو قطعوه بقرارات دولية ومعاه عيالى حمساوية زغرتى ياامه بتك خرجت بدل الشهيد ثلثمية ودى فرحة كبيرة قوى عليه
وطنيه : يحفظك يا بنتى من اعدائك ليوم الدين بتحافظى عليه
مصالح : بتحافظ على ايه انتى مجنونة يا وليه بهدلتينا معاكى بعملتك ديه من يوم ماجه مقاوم وإحنا مش مرتاحينوقلبتى علينا الامريكانيه وكلن لينا معاهم لقمة بردة انا لازم اعمل قاعدة فى الحتة دية نحل فيها المشكلة دية
مهموم ( الاخوان المسلمين) : يا ابا وانا جى فيها انا وأخواتى ندافع عن حق خالتى وطنية
مصالح : اخرص ما تدخلش وانا يااااااااااامه لا عن القضية وتعبت فيك ضرب وحبس سنين وسحبت منك ملايين (هى دى الحاجة اللى توجع منكم لله )
مهموم : طول عمرى حقف معى المظلوم دة مكتوب ربنا عليه يا روشه يا مشغول يا مخالف مدوا ايديكم فى ايدية نساعد وطنية
روشة ( بنات الايام دول) : أووووووووووة ايه دة بقى انا مش فاضية غتيت فتح مول كبير وحجيب منة فساتين وخواتم وتشكيله من اللى
هى
مهموم : طبعا ما هو شاغلك عن القضية بأمور الدنيا وشرى بضايع يهودية وبحجة انها صناعة محلية
روشة : اية دة ما توترنيش بكلامك انا مش فاضيه وراية شلة مستنية باى وبعدين كلمنى فى الحكاية دية هاةةةةةةةة اية رايك مكسم علية
مهموم : شغلوكى يا اختى بالموضة والوان مكياج تاكل من رقتك فين ايام لما كنتى متغطية
وانتى يا مخالف لإمتة حتفضل ساكت وما بتشارك
مخالف : ماسك المصحف يقول كفايةعليه ربى معين لية منتظر فرجة عليةواللى مكتوب يحله ربنا لية

مهموم : يعنى ايه حتفضل قاعد فى صومعتك وهو دة يرضى ربنا صمتك على ظلم وليه وضياع قضية

مخالف : ربنا قال ندعى ونتقرب ليه ونطيع ولى الامر ولو قال ندافع انا اول من يقوم مش تقولى مقاطعة دولية

مهموم : دة سلاح بنحاول بيه ومعاه دعايا ودعاك ولقمة تتقدم لهم هديه

مخالف : بص يا مهموم طول عمرك بداخد من اكلك وتديهم وتصلى وتدعى ليهم وهدومك مش شرعية

مهموم : هو انا لازم البس جلابية عشان ادافع عن القضية

مخالف : والذقن ناسيها بردة قعديا مهموم معايا اعلمك زى نبيك واترك القضية على ربك يحلها بعبادتك

مهموم : لية وهى دى الطريقة الشرعية لية هو نبيك قعد فى بيته يدعى للإسلام من غير كلام نبيك واجة وأهلوا عادوه وحاربوه عمل اللى عليه ما انتظرش مدافعة ملائكيه وتوصيل الرساله لازم بحركة وسعى مش قاعدة مدارية

مخالف : أنا القران كغايه عليه

مهموم : يبقى مافهمتوش صح ودى قرايةما فيهاش مفهومية دة فى آياتة قالك "إياك نعبد وإياك نستعين" لازم الدنيا تمشى بالاتنين تعبد وتسعين تتحرك وتساعد الملايين دى الدعوة شرعية وضرورة اجتماعية

مخالف : إنت ملكش دعوة بية
مهموم ينادى على مشغول

مهموم : مشغول يا اخويا ساعدنى لنشر القضية

مشغول : يا اخويا سيبنى فى حالى وفى اللى جراللى أبوك مانع عنى الاكل وانا أبو عيال محتاج لجنية اتعشى بيه ومش عايز مشاكل معى ابوك أحسن يمنع عنى حتى شوية الميه

مهموم : ماشى يا اخواتى هروح ولو لوحدى اساعد خالتى وطنية واحط ايدى فى ايد مقاوم والحمساوية


كدة خلص جزء انهاردة وان شا ءالله الجزء القادم اخر جزء فى وطنية ولاكن جزء انهاردة كان بيكلم جميع
فئات الشعب المصرى يا ترى انت مين فيهم
؟؟؟؟؟؟؟؟؟؟؟؟؟؟؟؟؟؟؟








هناك 24 تعليقًا:

عمرو جويلى يقول...

السلام عليكم
أولاً :-
حمداً لله على سلامتك وعوداً حميداً
ثانياً :-
حمداً لله على سلامة وطنية
ثالثاً :-
يا رب انصر كل المجاهدين
خالص تقديرى

زهرة(جنى)الاسلام يقول...

وعليكم السلام ورحمة الله وبركاتة
ا/ عمرو الجويلى الله يسلمك
بس لسة وطنية فى خطر فأزاى هنقولها حمد لله على السلامة لاكن قريبا جداالامة العربية جميعا هتقولها حمد لله على السلامة
واللهم امين على هذا الدعاء الرائع

كريم مصطفي سيد يقول...

السلام عليكم
هيا اه وطنية في خطر ... بس طالما يوجد يد يتقاوم يبقي الخطر بيقل فاللهم انصر المجاهدين والمرابطين واعمي عيون اعدائهم عنهم يارب العالمين

زهرة(جنى)الاسلام يقول...

وعليكم السلام اخى ا/ كريم مصطفى
طبعا دى حاجة اكيدة بس اليد اللى بتقاوم بتقاوم لوحدها كان نفسى يكون العرب معاهم
واللهم امين

ليله شتاء يقول...

السلام عليكم
************
أيها المارون بين الكلمات العابرة..
كالغبار المرّ، مرّوا أينما شئتم ولكن
لا تمروا بيننا كالحشرات الطائرة
خلنا في أرضنا ما نعملُ
ولنا قمحٌ نربيه ونسقيه ندى أجسادنا
ولنا ما ليس يرضيكم هنا:
حجرٌ.. أو خجلُ
فخذوا الماضي، إذا شئتم إلى سوق التحف
وأعيدوا الهيكل العظميّ للهدهد، إن شئتم،
على صحن خزف..
فلنا ما ليس يرضيكم: لنا المستقبلُ
ولنا في أرضنا ما نعملُ...





************
سيروى الزمان فصول الفدا
لطفل سلاحه كان الحجر
رمى أذا رمى فأستغاظ العٍٍِِدا
وقالوا فتى فى عصاه الخطر
وعدو الحجاره جرما كبير
وتلك القنابل فيها نظر

*****
دام قلمك

اتمني الشهادة يقول...

وطنيه انتماء واتحاد وحريه وايمان بالنصر

ادام الله علينا وطنيه
بجد جزاك الله كل الخير علي هذه التدوينه

عل يوما نتكتب فيه جميعا القدس لنا ومعنا اوطاننا لنا ومعنا

تحيتي اليك اختي في الله

تركي الغامدي يقول...

عوداً حميداً زهرة الإسلام ... والحوار الشيق يجبر المتلقي على قراءة مابين السطور ... وتجسيدها تمثيلاً بأطفال يؤدونها من الوسائل المهمة لتنوير الأجيال المتعاقبة .
تحياتي وتقديري .

زهرة(جنى)الاسلام يقول...

وعليكم السلام ليلة شتاء
نورتى واسعدنى مرورك كثيرا وشكرا على هذا الشعر الرائع

زهرة(جنى)الاسلام يقول...

اتمنى الشهادة
جزانا واياكم
وان شاء الله اختى نكون فى القدسقريبا جميعا

زهرة(جنى)الاسلام يقول...

اخى الفاضل ا/ تركى الغامدى
جزاك الله خيرا على هذا الكلام الرائع

سلسبيل يقول...

أةةةة بس الحلاوة دية

وحشتينى و الله طبعاً عرفة أنا

مين فى القصة دية منتظرين البقية

بالتوفيق يا احلى زهرة إسلامية

زهرة(جنى)الاسلام يقول...

سلسبيل
ازيك يا قمر وحشانى جدا شكلك ناسيتى اختك ماشى
شكرا لمرورك الرائع يا قمر

أبو مصعب يقول...

سلام عليكم
الله ينور عالقصة
لكن عندى طلب ممكن تبقى تكتبى بلون تانى عشان انا عينى وجعتنى من لون الخط

رشيد يقول...

السلام عليكم.
زهرة الإسلام تبارك الله مدونتك هادفة، واختيارك مثل هذا اللون لتمرير رسالتك شيء جميل، أحييك وأقول لك واصلي ووفقك الله.
وأعان الله كل المجاهدين وأسكن الله شهدائنا جوار المصطفى الأمين.

ماجد العياطي يقول...

بصراحة انا حبيت المسرحيه ديه

وحبيت العيال والست وطنيه

وحبيت مقاوم وكل الغزاويه

زهرة(جنى)الاسلام يقول...

اخى ابو مصعب وعليكم السلام
ان شاء الله هغيرة
زوار المدونة يأمروا واحنا ننفذ

زهرة(جنى)الاسلام يقول...

وعليكم السلام اخى الفاضل
ا/ رشيد جزاك الله خيرا على هذا التعليق الرائع
وشكرا لمرورك على مدونتى المتواضعة

زهرة(جنى)الاسلام يقول...

اخى الفاضل ماجد العياطى
جزاك الله خيرا على هذا التعليق الرائع
وفعلا انا امنى اكون زى وطنية او غزاوية
فهى غزة رمز العزة

سجود يقول...

انا من مهموم وافتخر بذلك
وان شاء الله نحاول نعمل حاجه بجد
جمييييييييله ماشاء الله

Dr-Ibrahim يقول...

والله يا فندم واجبنا كلنا اتجاه قضايا العالم الإسلامى واحد ومحطوط على عاتق كل شخص مننا

وربنا يهدى حالنا وحال جميع الشباب

زهرة(جنى)الاسلام يقول...

سجود نورتى المدونة
وانا بردة معى مهموم ودة شرف لينا كلنا
شكرا لمرورك الرائع على مدونتى المتواضعة

زهرة(جنى)الاسلام يقول...

Dr-Ibrahim اهلا بك فى مدونتى المتواضعة
وشكرا على هذا التعليق الرئع
وفعلا ان شاء الله نحن جيل النصر القادم

مرايتى يقول...

اللهم إنصر أهل فلسطين والمرابطين
وحرر المسجد الأقصى اللهم أمين

ويارب النهايه عندك تبقى أحسن من الواقع وتبقى بشرة خير إن شاء الله

زهرة(جنى)الاسلام يقول...

مرايتى اللهم امين
واكيد طبعا نهاية سعيدة وان شاء الله تتحقق

Related Posts with Thumbnails