إجمالي مرات مشاهدة الصفحة

الاثنين، 31 مايو 2010

اسطول الحرية




السلام عليكم ورحمة الله
يا مسلين وياعرب
ويا لى من يهمة قضية فلسطين
وبلاش فلسطين
ممكن المسجد الاقصى الحبيب
انا انهاردة بتكلم عن اسطول الحرية
اية الغلط اللى عملة
رايح يرفع حصار عن غزة
ويبعت معونات
وطبعا قبل ما اقول حاجة لازم اقولكم اية هو اسطول الحرية
وهو

هو مجموعة من ثماني سفن، تضم ثلاث سفن تركية، وسفينتين من بريطانيا، بالإضافة إلى سفينة من كل من اليونان و أيرلندا و الجزائر و الكويت، تحمل على متنها مواد إغاثة ومساعدات إنسانية، بالإضافة إلى نحو 750 ناشطا حقوقيا وسياسيا، بينهم صحفيون يمثلون وسائل إعلام دولية. جهزت القافلة وتم تسييرها من قبل جمعيات وأشخاص معارضين للحصار الإسرائيلي المفروض على قطاع غزة منذ العام 2007، ومتعاطفين مع شعبه انطلق أسطول السفن من موانئ لدول
مختلفة في جنوب أوروبا و تركيا، وكانت نقطة إلتقاءها قبالة مدينة ليماسول فى جنوب قبرص، قبل أن تتوجه إلى القطاع مباشرة. انطلق الأسطول باتجاه قطاع غزة في 29 أيار2010، محملا بعشرة آلاف طن من التجهيزات والمساعدات، والمئات من الناشطين الساعين لكسر الحصار، الذي قد بلغ عامه الثالث على التوالي..
دة منقول من مدونة اية الحال من مدونات مكتوب

دة تعريف اسطول الحرية
لاكن حاليا.......
مبقاش فيها حرية
بقى فيها اعتداء على كل من يطالب بالحرية
ودة فيديو من قناة الجزيرة يوضح الاعتدائات التى تمت




ياترى هنفضل ساكتين انا بدعوا
جميع المدونات بالتفاعل معى اسطول الحرية
لان احنا عارفين ان اسرائيل بتحارب فلسطين بالسلاح وباقى البلدان
بالعقيدة والفكرة والكتابة
فأحنا فى ايدينا سلاح ولازم نستغلة
فبكرر مرة تانية انا بدعوا جميع المدونات
بالانضمام الى اسطول الحرية ولو على الاقل نشر هذا الفيديو
واننا نتكلم فى الفترة دى عن اسطول الحرية..............

السبت، 29 مايو 2010

زهقانة


عارفة انى مقصرة معى كل المدونات اللى بحب اتابعها
لاكن انا مشغولة جدا
وكمان فى دور اكتئاب
فبجد بدخل على لمدونة وان زهقانة وقرفانة
لاكن طبعا فى حجات كتير
كنت ناوية اعملها على المدونة ولاكن متوقفة حاليا
لاكن هاكون معاكم بردة
وهتلاقوا دايما بوست نازل بأستمرار
فكل اللى هطلبوا منكم دعواتكم عشان مخنوقة جدا





الثلاثاء، 25 مايو 2010

اتوبيس



السلام عليكم
البوست اللى فات كان نكد شوية لا المرة دى شئ تانى
هاحكيلكوا عن اتوبيس كنت بركبة وانا رايحة المعهدطبعا لازم اعرفكم ان
الوقت بين المنطقة اللة انا ساكنا فيعا وبين محافظة الاسكندرية
هى نص ساعة بس
اما فى الاتوبيس بيوصل الى
ساعة اغو اكتر
الاتوبيس دة من ايام الاحتلال الانجليزى وبتكلم بجد مش بهزر
وفتتوقعى شكلوا اية الاتوبيس دة
بيركب فى ناس بطريقة غير طبيعى
يا سلام بقى لو حظى انوا روحت متأخرة شوية
الاقى نفسى كام واحدة واقفة على رجلية
وممكن كمان ان لو حد عاوزنى جو الاتوبيس وبينادينى مش هايشوفنى من كتر الناس
لا ناسين شئ مهم بعد مركبت خلاص بقى تعالوا شوفوا الموسيقى اللى عمو السواء بيشغلها
اسمعوها بقى معايا
ازززززززززززززززززززززززززززززززززززززززززززززززززززززززز
ازززززززززززززززززززززززززززززززززززززززززززززززززززززززززززز
اززززززززززززززززززززززززززززززززززززززززززززززززززززززززززز
اززززززززززززززززززززززززززززززززززززززززززززززززز
ازززززززززززززززززززززززززززززززززززززززز
ازززززززززززززززززززززززززز
افضلوا بقى كدة لحد لما اوصل
ونسيت كمان اعرفكم انى مش محتاجة اروح القاهرة عشان اركب الجمل
لان انابركبوا فى الاتوبيس

وعلى فكرة لو فكرت اركب مواصلات عادية اة هاوصل ى نص ساعة
لاكن
لازم الكرسى يكون عليه اربع اشخاص
معى انة المفروض فى الكرسى تلاتة فقط
شوفوا بقى المعاناه
ويا سلام لو كان شاب اللى هيقعد جمبى
ببقى كانى مخنوقة خانقة لأنى طبعا مش عارفة اتحرك وان نزلت هاتأخر وممكن
ما اروحش
على فكرة انا مش بتكلم على انى تعبت فى المواصلات لا
انا بتكلم ان فى مصر فى اشياء كتير غلط
والحكومة نايمة ونسياها والا بتسأل فيها حتى
انا نفسى اعرف هى الحكومة بتعمل اية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تعبتكم معايا بالموسيقى الرومانسية الى شغلتهالكم

السبت، 22 مايو 2010

أفتح قلبك


السلام عليكم عارفة انى غيبت عنكم شوية
لاكن رجعت ببسرعة
وصراحة انا كنت ناوية انزل بوست تانى خالص افضح فى
وزارة الصحة وهى حكاية حقيقية لأنها حصلت لاختى الله يرحمها
ماتت بسسب فساد وسبب الدكاترة
لاكن صراحة مقدرتش بقنع نفسى لاكن بجد مش قادرة اتكلم عن اللى حصلها
لاكن هاقول نبزات هى كانت رايحة تولد
فى نفس اليوم بعد الولادة حصلها جلطة فى المخ وشلل تام
لاكن تفاصيل بجد مش هاقدر اتكلم
لانى بجد مش عاوزة افتكر اللى حصل بسبب اهمال طبيب
لاكن هاقول شئ تانى ان فى نفس السنة فى المستشفى دى
ماتت حالات كتير بنفس الطريقة
بس احنا رفضنا التحقيق فى حالة اختى لان ماما حالتها النفسية كانت صعبة
هاغير الموضوع
واسيبكم معى النشيد دة
هو رائئئئئئئئئئئئئئئئع
للغاية وانتظروا فيديو جديد لزهرة الاسلام
فكرة وأعداد وأخراج زهرة الاسلام
بستايل جديد جدا جدا





وأخيرا اقدم لكم
مدونة صديقة عزيزة عليا جدا اتربينا معى بعض منذ الصغر
وهى مدونة
وعجلت إليك ربى لترضى
http://wantlive.blogspot.com
هى كانت فاتحة مدونة تانية لاكن حصلت مشكلة معاها وفتحت المدونة دى
فياريت تشاركوها العودة من جديد

الاثنين، 17 مايو 2010

حبيبة عمتو


طبعا هاتقولوا دى مين هاقولكم دى القمر
روح قلب عمتو
هى جنى بنت اخويا
يوم ميلادها كان الاسبوع اللى فات
بس احنا عمتا فى البيت مبنحتفلش بأعياد الميلاد
ولاكن احنا صراحة مصدقنا ان فى شئ ممكن يفرحنا فأخدناها بنية ادخال سرور على قلب مسلم
يلا بقى عشان نشوفو ا جنى
ودى تورتة طعمها حلو صح

ودى التورتة بس من بعيد شوية


ودى جنى وهى صغيورة اصل الصورة عجبتنى فقلت انزلها

ودة نشيد أنا جنى للقمر
ويكون دة ختام البوست دة يلا سلام
اسيبكوا معاها

الخميس، 13 مايو 2010

التاج السلطانى


السلام عليكم
بناء على طلب مدونة عالمى أنا (دودى فلسطينية)
هجاوب عن التاج السلطانى

قوانين التاج السُلطاني كالآتي:
اذكر اسم من طلب منك حل هذا الواجب.
حّول هذا الواجب إلى ستة مدونين، واذكر أسماءهم مع روابط
مدوناتهم في موضوعك.
اترك تعليقًا في مدونة من حّولت الواجب عليهم؛ ليعلموا عن هذا الواجب.
السر الاول تششششششششششششش: بيقول عليا هادية وأنا فى البيت مسميين فرقع لوز يعنى كثيرة الحركة
مبعرفش اقعد ساكتة
السر التانى : انا حنينة جدا لاكن معرفش اعبر عن كدة وطبعا الكل بيفكر انى معنديش قلب لاكن العكس صحيييييييح او ممكن صديقة واحدة بس هى اللى عاوزة الصفة دى تكون فيا لأنها محاولتش تعرفشخصيتى
السر التالت : عصبية جدا ولاكن بحاول اقلل منها وفعلا قلت كتير لانى بحاول اتحكم بالعقل والحكمة

السر الرابع : نفسى اروح اعيش لوحدى فى منطقة هادية فيها زرع ومفيهاش ناس الا لو كانوا ناس نيتهم صافية

السر الخامس : انا فيا صفتين غريبة شوية وهى لو اتوترت
اكل ولو كنت مخنوقة او زعلانة فى الشات فقط او كنت بكلم حد من اصحابى بيكلمنى على الميل احب اضحك جدا لدرجة انى بفضل اضحك من غير سبب ولاكن ببقى بحاول انسى زعلى

السر السادس والاخير: وهو نفسى اكون صحفية مشهورة جدا وأظهر قضايا خفية وأدافع عن الاسلام

اوزع التاج على
مدونة الوطن دة وطنى ( ابو بدر الدين)
http://watan2020.blogspot.com/
مدونةما كفاية بقى
http://itwasmyhope.blogspot.com/

مدونة قلب فارس
http://qalbfars.blogspot.com/

مدونة طريق النجاح
http://tareekelnagah.blogspot.com/

مدونة عبير الربيعى
http://abeeronly.blogspot.com/

مدونة جنة وهى مدونة زوجة اخويا ومامة جنى اللى اسم توقيعى عليها
ياريت تشاركوها افتتاح مدونتها
http://setelhosne.blogspot.com/
ومعلش كان فى مفاجأة كنت محضراها ولاكن عشات التاج اجلت للبوست القادم ولاكن هاقدم صورة عنة

الاثنين، 10 مايو 2010

كان نفسى

السلام عليكم ورحمة الله وبركاتة
بعد البوست اللى فات ملقيتش كلام غير الأغنية دى
وحسيت كأنها مكتوبة وموجه ليا
يارب تعجبكم





وعشان ارجع ثقتى فى نفسى
رجعت لموهبتى اللى هى الشعر
وطبعا كتبتة وانا زعلانة وياريت اعرف رايكم
وهو اسم الشعر كان نفسى


كان نفسى أعيش فى البلد دية

وأتكلم فيها بحرية

ومخفش من أمن الدولة والبلطجية

وأربى ولادى على الحرية


وأعيشهم فى أمن وحياة متهنية

وكان نفسى يعيشوا فى بلد اقتصادية

مافيهاش غلا ولا فقير فى الحتة دية

وأكلهم عيش من غير مسامير مصدية

ولحمة بقر مش كلاب مشوية

ولا تعالوا شوفوا الفاكهة الكيماوية

موجود فيها سرطان يقتل شعب البلد دية

ويقولوا عليها من اللى هيه

ونيجى نكلمهم على الميزانية

يقولوا دى بلد خربانة ومليانة بالعواطلية

ومترميين على كل قهوة شوية

مادة مخطط اليهودية

لدمار الشباب دية

بمخدرات وسجاير من اللى هية

يفرحوا بيها شباب الايام دية

وصحيت ولقيت امى بتصرخ وتقولى ألحقى الملوخية

داهى اكلة اليوم دية

داحنا فى بلد مش أقتصادية

يلا نقضيها فول وفلافل من الأكلة الشعبية

بكرة نلاقيها دخلت من ضمن الميزانية

ايه رأيكم ممكن اكون سرحت بخيالى كتير اولا مكنش عندنا ملوخية فى اليوم دة
تانى حاجة انا كتبتها الساعة واحدة او اتنين باليل
وطبعا مش وقت طبخ خالص
لاكن هاخلى ماما تجيب ملوخية واكيد كلكم معزومين عليها
وانا اللى هاطبخها
ايه رايكم
طعمها حلو صح

انتظروا مفاجأة زهرة الاسلام البوست القادم شئ مختلف جدااااااااااا
وعزيز على قلبى نفرحى بيه سوا


الجمعة، 7 مايو 2010

اعتذر



السلام عليكم
اعتذر كثيرا لجميع زوار مدونتى على أختفائى فجأة عن المدونة
ولاكن الكمبيوتر باظ لاكن الحمد لله اتصلح ورجعتلكم
موضوع انهاردة انا هاكتبوا لانى مخنوقة جدا
والموضوع هاتكلم فى عارفة انو ممكن يكون مش مرتب ولاكن انا بتكلم حاليا باللى جوايا
الموضوع انى حاليا عندى 19 سنة ولاكن
بحس انى لما بكبر بلاقى المشاكل بتزيد وحياة مفيهاش حرية بلد خربانة
لاكن وانا صغيرة مشاكل بسطة وتافهة يعنى بزعل عشان ماما مجبتليش مصاصة مثلا
هو دى المشكلة لاكن شخص يكبر يلاقى مشاكل كتير مستنياة لية مش عارفة
والاكتر انى اتصدمت فى اعز صديقة ليه
وفى ناس كتير
ياترىى اهلى غلطوا لما ربونى صح والا المجتمع هو الى غلط والا انا اللى مش عارفة اتعامل معاة
مين السبب مش عارفة
لاكن مش هاطول عليكوا كل اللى هاقولة ادعولى لان عندى امتحانات وهخلص يوم الاثنين القادم
ولاكن هاكون معاكم
وان شاء البوست القادم بأسم
كان نفسى


Related Posts with Thumbnails