إجمالي مرات مشاهدة الصفحة

الاثنين، 10 مايو، 2010

كان نفسى

السلام عليكم ورحمة الله وبركاتة
بعد البوست اللى فات ملقيتش كلام غير الأغنية دى
وحسيت كأنها مكتوبة وموجه ليا
يارب تعجبكم





وعشان ارجع ثقتى فى نفسى
رجعت لموهبتى اللى هى الشعر
وطبعا كتبتة وانا زعلانة وياريت اعرف رايكم
وهو اسم الشعر كان نفسى


كان نفسى أعيش فى البلد دية

وأتكلم فيها بحرية

ومخفش من أمن الدولة والبلطجية

وأربى ولادى على الحرية


وأعيشهم فى أمن وحياة متهنية

وكان نفسى يعيشوا فى بلد اقتصادية

مافيهاش غلا ولا فقير فى الحتة دية

وأكلهم عيش من غير مسامير مصدية

ولحمة بقر مش كلاب مشوية

ولا تعالوا شوفوا الفاكهة الكيماوية

موجود فيها سرطان يقتل شعب البلد دية

ويقولوا عليها من اللى هيه

ونيجى نكلمهم على الميزانية

يقولوا دى بلد خربانة ومليانة بالعواطلية

ومترميين على كل قهوة شوية

مادة مخطط اليهودية

لدمار الشباب دية

بمخدرات وسجاير من اللى هية

يفرحوا بيها شباب الايام دية

وصحيت ولقيت امى بتصرخ وتقولى ألحقى الملوخية

داهى اكلة اليوم دية

داحنا فى بلد مش أقتصادية

يلا نقضيها فول وفلافل من الأكلة الشعبية

بكرة نلاقيها دخلت من ضمن الميزانية

ايه رأيكم ممكن اكون سرحت بخيالى كتير اولا مكنش عندنا ملوخية فى اليوم دة
تانى حاجة انا كتبتها الساعة واحدة او اتنين باليل
وطبعا مش وقت طبخ خالص
لاكن هاخلى ماما تجيب ملوخية واكيد كلكم معزومين عليها
وانا اللى هاطبخها
ايه رايكم
طعمها حلو صح

انتظروا مفاجأة زهرة الاسلام البوست القادم شئ مختلف جدااااااااااا
وعزيز على قلبى نفرحى بيه سوا


هناك 26 تعليقًا:

دندنة قيثارة الوجد يقول...

خيال جميل وشاعري .. وأغنية حلووووة بتحكي عن هم الدنيا إلا ما يخلص .. تحياتي لك

زهرة(جنى)الاسلام يقول...

دندنة قيثار الوجد
الله يكرمك فعلاهو نشيد رائع للغاية
شكرا لمرورك الرائع على مدونتى المتواضعة

وحـدي يقول...

السلآم عليكم
جميلة الأغنية..


وماكتبتم اكد أن بلادنا مثل الملوخية بالضبط..الشيئ الوحيد الظاهر منها..هو أنها تعمل (تشششش) !

ولو استمريتم في الكتابة سيكن عندكم رصيد كبير..ولو سمعتم أشعار صوتية لكان أفضل !!

زهرة(جنى)الاسلام يقول...

وحدى
وعليكم السلام ورحمة الله وبركاتة
فعلا تششششششششششش بتبقى رائعة
ان شاء الله هاستمر فى الكتابة للتطوير من هذة الموهبة

مدونه ما كفايه بقى يقول...

شعر رائع روعته تتمثل فى انه نابع من قلب صادق
اسمحيلى انشر شعرك فى مدونتى

زهرة(جنى)الاسلام يقول...

مدونة ما كفاية بقى
يشرفنى كثيرا ان تنشرى شعرى عندك
نورتى المدونة

MR.PRESIDENT يقول...

نقول حمد الله علي السلامة وفي انتظار جديدك .. ومفجئاتك لنا ..
تمنياتي لكي بالتوفيق والحياة السعيدة .

زهرة(جنى)الاسلام يقول...

mr.president
الله يسلمك وان شاء الله قريبا جدا
شكرا لمرورك الرائع على مدونتى المتواضعة

مرايتى يقول...

وأنا بحب الملوخيه جدا يا زهره

هموم الدنيا ترجمتيها فى كلمات بسيطه جدا بس معبر بصوره هايله وبساطتها هى جمالها

تسلم إيدك
وطبعا عجبتنى

محمد نشأت يقول...

بالرغم من انى بموت فى الملوخية وممكن اكلها فى اى وقت ...بس شعر متميز واحلى ما فيه الملوخية ...........ومستنى العزومة

زهرة(جنى)الاسلام يقول...

مرايتى
طيب عندنا انهاردة ملوخية وانتى معزومة عليها ها هاتيجى
والله يكرمك على كلامك الرائع

زهرة(جنى)الاسلام يقول...

اخى الفاضل محمد نشأت
طيب انهاردة عندنا ملوخية بس طبعا من غير ارانب
وانا اللى هاطبخها بس تبقوا حضروا رقم الاسعاف
ههههههههههههههههه
شكرا لمرورك اخى على مدونتى المتواضعة

سلسبيل يقول...

تصفيق ثم تصفيق ثم تصفيق

بجد مش عرفة اقول اية

اية بس الحلاوة دى كلاها

وكمان عزمانة على ملوخية

اية بس الحلاوة دية

انفع اقول شعر

منتظرين البوست القادم بفارغ الصبر \

بالتوفيق يا حبيبتى

زهرة(جنى)الاسلام يقول...

سلسبيل
طيب وعندك واحد ملوخية وصاية ههههههههههههههههههه
نورتى يا قمر

زهرة الإسلام يقول...

السلام عليكم
جميل جدا يا زهرة
ويارب بعد كده نلاقي حتى الملوخية
بانتظار البوست القادم


ابقي رني عليا لما تكوني قاعدة عايزاكي في استشارة ضروري

الغاردينيا يقول...

هلا يا حلووووة

الاغنية جميله جدااا وظريفة مووت

بالنسبة للقصيدة فهي جميله فيها ضعف

شوي عشان واضح جداا انك كنتي متقيده

بالقافيه فحسيت بالجزء الاخير منها بهذا الشئ

وبوست حلوة يا قمرررر وياريت تعزميني

عالملوخية بحبها موووووووت ههههه

واعذريني لغيابي عنك

ليله شتاء يقول...

السلام عليكم

الله على حوار نفسك

عاشق الجنة من الإخوان صلى على النبى يقول...

أغنية جميلة
في انتظار زيارتك عشان تنور مدونتي
صلي علي النبي

اقصوصه يقول...

الكلمات حلوه وايد

اعجبلتني كثيرا

بانتظار المفاجأه :)

زهرة(جنى)الاسلام يقول...

وعليكم السلام زهرة
يارب يا خوفى منلاقيهاش
وحاضر من عيونى يا قمر اول لما اقعد هرن عليكى

زهرة(جنى)الاسلام يقول...

الغارديينا
منورة المدونة
ولاكن انا لسة جديدة فى عالم الشعر
لاكن القافية انا بكتب شعر وانا زعلانة فحبيت أضحك فجت معايا كدة
شكرا لمرورك الرائع

زهرة(جنى)الاسلام يقول...

ليلة شتاء
وعليكم السلام ورجمة الله وبركاتة
حوار مليان اكل وطبخ هههههههههههههه
نورتى يا قمر

زهرة(جنى)الاسلام يقول...

عاشق الجنة من الاخوان صلى على النبى
اسعدنى كثيرا مرورك على مدونتى المتواضعة وان شاء الله اكيد هزور مدونة حضرتك
عليه الصلاة والسلام

زهرة(جنى)الاسلام يقول...

اقصوصة
الله يكرمك وان شاء الله عن قريب

MOHAMMED ELBANNA يقول...

زهرة الاسلام
ياساتر يارب ... برضه بتتكلمي في السياسه ...انتى مش خايفه من قانون الطوارئ ولا ايه ؟
عموماً ولا يهمك العمر واحد والرب واحد .
شعر جميل وواضح انه خارج من القلب فعلاً.
تقبلي مروري
محمد البنا
............
الله اكبر ولله الحمد

زهرة(جنى)الاسلام يقول...

السلام عليكم اخى الفاضل محجمد البنا
لا مبخافش لانى بحب كلمة الحق داما والحامى الله
شكرا لمرورك الرائع

Related Posts with Thumbnails