إجمالي مرات مشاهدة الصفحة

السبت، 24 يوليو، 2010

حياة سعيدة




   

حياة سعيدة
مع الاشباح
هى قصة انا كتبتها من خيالى لكن واقعية جدااااااااااااااا
كتبتها وانا نايمة وبعد ما خلصت كتابتها فى الذاكرة
صحيت جرى وقولت لماما تسمعى القصة اللى كتبتها 
طبعا ماما راحت قالية بسم الله الرحمن الرحيم
اية يا بنتى جرى لعقلك اية 
ارحمينى شوية طبعا
عشان ماما متعودة على كدة
القصة بسيطة جدا نروح بسرعة ونقول القصة كانت اسرحوا بخيالكوا معايا
ا/ مبارك : ييييييييييييي انا زهقان ومخنوق معيش شعبى فى سلام وامان مش مخليهم محتاجين حاجة ومشعارف اعمل اية جديد يا ماما يا ماما

الست اسرائيل هانم: اية يا حبيبى (بقمة البرود) مالك مخنوق لية حد دسلك على طرف 
عايش متهنى وفلوسك فى البنوك مخنوق لية

ا/ مبارك: مش عارف اعم حاجة جديدة للشعب حاسس انهم ملوا من اللى احنا بنعملوا عاوزين جديد
اسرائيل هانم: لية يا بابا معندك البطالة مرمت امالهم متخليش حد يشتغل وعلفكرة 
فى ناس بيروحوا يشتغلوا برة لية كدة هو مش انا مواصياك بالبهدلة
ا/مبارك: والله ياماة مبهدلهم اخر بهدلة دانا حتى مش مخليهم يبصوا وراهم قولى فكرة جدية

اسائيل هانم: طيب طب والحياة عاملة اية زود مصاريف المدارس ودخول المستشفيات ودمر الدكاترة عشان انتوا كترتوا اوى فى مصر لازم تقلوا خلى كل الدكاترة يموتلهم كام عيان
ا/مبارك: عامل دة كلوا يا اما اعمل اية تانى 
يا ماما عاوز حاجة جديدة يكون شعبى لسة مشفهاش قبل كدة
ماما : يا حبيبى واحدة واحدة هتلاقى شعبك فى جيبك

 ا/ مبارك: يا اماة ماهى انتى متعرفيش من ساعة خالد سعيد وشباب 6ابريل وكما اللى طلعنلى فى الزور الاخوان المسلمين والشعب بدأيفوق
انا خايف على المستوى الشع يا اماة

ماما هانم: متخافش يا حبيبى طوا ما انا وراهم مش هيفوقوا ابدا 
عجبنى الكاريكاتير دة فيارب يعجبكم

دة طبعا الحقيقة الظاهرة 
مصر عايشة فقمة السعادة بطالبوا بحقوقكم لية بقى 
مصر عايشة فى ازدهار بتقول فى بطالة لية 
مصر اسعارها مريحة بطالبوا بالمعاش لية
مصر بتحمى شعبها بتقول خالد سعيد لية
مصر فيها  كل الاحلام مخنوقين لية
مصر هى ام الدنيا امال ناسية ولادها لية
مصر هى الطيبة والحنان 
طبعا دى هوضحها بصورة
وهى

وفى الختام سلام عشان 
عاوزة احضر رمضان فى بيتنا الحبيب مع امى طبعا 
مش عاوزة احضرة فى حتة تانية

هناك 32 تعليقًا:

الغاردينيا يقول...

اول تعليق عندك يا عسل ههههههههه

ضحكت ونا بقرأ الحوار و بشوف الكاركتير

وايه البيت الرعب دا بيجنن بصراحة ههههههه

دا البيت الأبيض و لا ايه !

ربي يحفظك حبيبتي وتقضى رمضان والعيد وبعد العيد بالبيت يارب ,

تحية

زهرة(جنى)الاسلام يقول...

الغاردينيا
هههههههههههههه
والله انا بكتب ومحضرة نفسى فى اى وقت
لا هو كان ابيض بس بعد التعديل قلب

أكرم هندوانة يقول...

أختي في الله زهرة
ما أجمل منظر البيت ذكرتينا بالبيت الأبيض وما يشابهه في دول عربية..

وهالحلم طبيعي بنحلم به كلنا بالأصح بننعم به وما نراه النهار نحلم به في الليل...

تقبلي مروري وخالص تقديري...

زهرة(جنى)الاسلام يقول...

ا/ اكرم هندوانة
خى الفاضل
البيت دة من صنع امريكا واسرائيل فلازم يكون لية زكريات مع كل العرب
شكرا لمرورك اخى

محمود(باحث عن حب) يقول...

السلام عليكم


اولا قصه جميله معبره
بجد عن الحال
والله انا تعبان قوى من الواقع المتنيل بستين نيله
امال لو كانت اسرائيل ماما
امال امريكا ايه بابا؟

حسبنا الله ونعم الوكيل
بس فى ملحوظه
مع جمال الموضوع وتنسيقه

مش عاجبنى السخريه بصراحه مع اولى الامر رغم الفساد اللى بشوفو منهم
بس مينفعش وافتكر انى سمعت حكم فقى على كده
بس
لا اقصد والله اى شىء ولكنه شىء ما فى صدرى

بارك الله لكى

MR.PRESIDENT يقول...

أول حاجة كل سنة وإنت طيبة إنت والأسرة الكريمة

ثانيا فعلا كفاية بقي .. وكل واحد يفسرها زي ما هو عايز

بس خلاص

زهرة(جنى)الاسلام يقول...

ا/ محمود باحث عن الحب
اولا جزاك الله خيرا على هذا التعليق الرائع
ثانيا
مهما كنت بكرة الحكومة استحالة اكرة بلدى
انا بحب بلدى جدا بس لازم نرفض الظلم
لكن البلد ملهاش دعوة باللى بقولوا
لان لازم يكون عند كل مصرى انتماءللبلد

زهرة(جنى)الاسلام يقول...

MR.PRESIDENT
وحضرتك طيب
وتقريبا قولت كل حاجة حضرتك
لا تعليق

اتمني الشهادة يقول...

قصة واقعية وواقع مرير
جزاك الله خيرا يا زهره
كل عام وانت بخير ويارب عمرك كله سعاده وهنا ...
اخبار النتيجة إيه

ميس فلسطين يقول...

شكرا جنى
ولله كل كلامك حقيقه

بس عنجد قصه رائعه

دودي فلسطين يقول...

زهوره

المره الجاي اكتبي عن بوش واحلامو
او جربي اعملي دويتو
والله فكره جهنميه ههههههههههههه
عجبتني ماما اسرائيل

بس لو شارون هون
كان عملو الثلاثي المرح
هههههههههه

سلسبيل يقول...

و الله حوار زى العسل
اسم على مسمى ربنا
يستر معاكى بقى حبقى
أزورك بحلاوة و عيش
ههههههههههه
تسلمى بجد جميل جداً

تحياتى لك حبيبتى

زهرة الإسلام يقول...

السلام عليكم
أحلام راااااائعة حبيبتي
انت مش هتبطلي سياسة
شكلك عايزة تجربي رمضان في أبوزعبل

أبو مصعب يقول...

بداية بوست رائع
مع ان حضرتك بالطريقة دى مش هتحضرى رمضان فى اى حتة
الا ان الصراحة مع الحكومة هى الحل

لكن عاوز اعرف هى امريكا ماما مبارك الحقيقية ولا امه فى الرضاعة ولا الفكر والسياسة ولا ايه

- ارجوا من الجميع ان يدعوا لى لاننى فى مطحنة جامدة اليومين دول

أبو مصعب يقول...

اما عن البوست اللى فات
بداية عنوان جامد جدا ولكن يخض
ثانيا موضوع مهم جدا بجد
ثالثا اسم زهرة احسن كاسم مستعار من فرقع لوز " رأيى "
رابعا القناة الاخبارية ماشية تمام
خامسا فعلا كل انسان بياخد حظ من اسمه ولكن الصواب ان يحسن استغلاله ويعلم لم اختار الله له هذا الاسم

تويتي فلسطين يقول...

ما احلى هلبيت والقصه روعه

اعجبتني الفكره حلوة اكيد زي صاحبتها


تحياتي

واحد من العمال يقول...

السلام عليكم

أيوه أحنا ملينا وأتخنقنا خلاص خلاص
لازم تتجدد خلايا مصر كلها لجل ماتلحق وتعرف شىء أسمه التقدم بالحريه
العالم كله سبقنا
وأحنا خطوه تنظيم محلك سر
ولله الأمر من فبل ومن بعد

ودمتِ بخير حال وبوعى

with you يقول...

مين يا ولاد زعلان من عمنا كلنا عم الكل عمدتنا عمدة البلد الحاج مبارك.....

الأول

السلام عليكم ورحمة الله وبركاته

شكلك عاوز تزوري سجن (أبو مبارك)..

ومش هاتجبيها لبر كسر يا جدع المدونة دي...

شد البوستر اللي فوق ده أيوة وشيل صورة الكاريكاتير دي...

يا حلاوة يا ولاد قال عاوزين حرية....

.......

تحياتي أختنا الكريمة وبارك الله لكِ في فكرك وفي كتاباتك...

وبجد أسلوبك رائع وشيق للغاية..

وبجد نحن في الوطن العربي والإسلامي نعيش مأساة الفهم قبل الخوف والإستكانة...

فقلما تجدين من يفهم القضية بالجوانب التي تساعده علي الوصول للحل...

ولذلك حمل الفاهم للقضية كبير...

وأسف علي الدخله بتاعتي فكرتيني بمدونتي السابقة كان إسمها (جبهة الدفاع عن العمدة حزين).

ولا تنسي قبل أن أغادر:-

1: صلاة الفجر.
2: دوام الذكر.
3: الدعاء للمسلمين.

محمد حياتنا (أبو فاطمة)

mrmr يقول...

شكلك كده يا بنتى عايزه تقضى شهر رمضاااان فى سيوسرا

ياللا بربنا يكرمك
ومتخفيش ح افضل اسأل عليكى من بعيد لبعيد اوعى تفتكرى انى اقدر اوصلك لالالالالالا انسى يا امى

العيش والحلوه ربنا مكثر منها
تقدرى تفطرى كل يوم طول شهر رمضااان

بس بجد بوست جميل

ربنا يسعدك

طلباوي يقول...

السلام عليكم ورحمة الله وبركاته

جزاك الله خيراً علي مواضيعك الجميلة صراحة

تحياتي

زهرة(جنى)الاسلام يقول...

اتمنى الشهادة
بجد وحشتينى جدا
فينك
الحمدلله الشهادة طلعت وامتياز كمان

زهرة(جنى)الاسلام يقول...

ميس فلسطين
اكيد لازم تكون رائعة لان كل مصرى عايشها وعارفها
وكان كل الدول العربية
اسعدنى مرورك كثيرا

زهرة(جنى)الاسلام يقول...

دودى فلسطين
انتى كدة عاوز السجن يتغير بدل ماهو فى مصر يكون امريكا
هههههههههههههههه

زهرة(جنى)الاسلام يقول...

سلسبيل
طب ولية ما احنا كدة ولاكدة مع بعض
نبقى ندور على حد منعرفهوش عشان يجيب العيش والحلاوة

زهرة(جنى)الاسلام يقول...

زهرة الاسلام
على اساس انى جايباة من برة
منتى اختى ولازم اتعلم منك
ههههههههههههه

زهرة(جنى)الاسلام يقول...

ا/ابو مصعب
اولا جزاك الله خيرا على هذا المرور الطيب
وربنا يكون مع حضرتك

ثانيا
اسم فرقع لوز ممكن ميكنش اسمى الاساسى
اكيد طبعا زهرة الاسلام احلى بكتير

زهرة(جنى)الاسلام يقول...

تويتى فلسطين
الله يكرمك لا طبعا انتى اجمل من البيت وصاحبة البيت
انتى القمر
شكرا لمرورك اختى

زهرة(جنى)الاسلام يقول...

واحدمن الناس
اكيد طبعا لازم مصر تتغير
كفانا ذلا
شكرا لمرورك اخى

زهرة(جنى)الاسلام يقول...

ا/محمد حياتنا
لا عادى مبقاش فى حرية خلاص بقت عبارة عن حلم فقط
لكن بايدينا نحققوا
شكرا لمرورك اخى وعلى التذكرة

زهرة(جنى)الاسلام يقول...

mrmr
كدة بتبعينى من اول مرة ماشىىىىىىىىىىىىى
طيب هاجيب اسمك فى التحقيق
هههههه

زهرة(جنى)الاسلام يقول...

طلباوى
وعليكم السلام
جزانا واياكم
حلو الاسسم الاجديد
دة مبروك علية

midi haytham يقول...

شركة تنظيف واجهات زجاج بالرياض
شركة تنظيف واجهات حجر بالرياض
شركة عزل خزانات بالرياض
شركة جلي بلاط بالرياض
شركة تسليك المجارى بالرياض
شركة تنظيف موكيت بالرياض
كشف تسربات المياه
شركة تنظيف مجالس بالرياض
شركة تنظيف بيارات بالرياض
شركة تنظيف خزانات بالرياض
شركة تنظيف فلل بالرياض
شركة تخزين عفش بالرياض
شركة تنظيف بيوت بالرياض
شركة نقل عفش بالرياض
عزل الاسطح
شركة تنظيف شقق بالرياض
شركة رش مبيدات بالرياض

Related Posts with Thumbnails