إجمالي مرات مشاهدة الصفحة

السبت، 7 أغسطس، 2010

مسلسل هدية



السلام عليكم
عذرا لهذا الغياب
ونروح لموضوعنا الغريييييييييييييييييب
وهو ان رمضان السنة دى 
على كل مسلسل هتشوفة هتلاقى علية مسلسل هدية
اية دة اية كمية المسلسلات دى
طب لية هما بيعوضوا عدم وجود الشيطان والا اية

تقريبا اللى هيتفرج على مسلسلات هيتجنن 
لانة مش هيعرف يتفرج على اية الاول
ياريت يا جماعة  محدش يفتح التليفزيون خالص
يعنى لو طيور الجنة ماشى 
بس مش كتييييييييييير 
هما دقية وكمان دقيقة كتيررررر
يلا وكل سنى وانتو طيبين
اقول بقى الشئ المهم جدا وهومسلسل ( الجماعة) 
يعنى هما للدرجة دى مخنوقين من الاخوان المسلمين
طب خليينا نكن معاهم
شوفتوا حد قبل كدة من الوزرا او الحزب الوطنى اتعملوا مسلسل 
ومهتمنين بية للدرجة دى كدة لا طبعا
اما الاخوان اللى بيقولوا كلام صح 
لا ازاى لا لازم نفضحهم ونشوة صورتهم 
لكن طبعا هما ميعرفوش ان كدة بيزودوا حب الناس للاخوان المسلميننن
شكرالوجودكم فى مدونتى وانكم محستوش بغيابى 
خاللللصصصصصصصصصصصص
يعنى كنتوا عارفين انى موجودة معاكم
 


هناك 37 تعليقًا:

محمود(باحث عن حب) يقول...

السلام عليكم

الفقير الى الله
سكنت سكن طلبه مع الاخوان
ومعاهم فى الجامعه
وعندى اصدقاء مقربين ليا من الاخوان بجد
وجلست مع ناس كبيره فيهم بس طبعا معرفش رتبتهم ايه فى الجماعه
وقرأت للامام
وبحب القراضاوى
وبموت فى عمرو خالد
وباعشق السرجانى
وكنت بأصلى وراء خالد ابوشادى

ومنتشرين فى كل مكان

منظمين قوى
وفكرهم جميل جدا
احبهم ولكنى ليس منهم
اقولك اللى زى كتير فى الجامعه
بل فى مصر كلها

رغم التشويهات
فاكره حاله حوار بتاعه اسماعيل عبد المنعم على القناه الاولى لما انتخابات مجلس الشعب السابق
وغيرها من التشويهات
علشان ليها الاثر الطيب وسط الجماهير
لامسين الحال بجد
مش من بعيد لبعيد قوى
لو لم يكن هناك تأثير بجد
محدش كان اهتم بيهم كده
اقولك الامام رحمه الله يستحق ان الناس كلها تهتم للامره
لانه ظلم
وقتل رحمه الله ظلما وغدرا وتركوه حتى تصفى دمه دون ان يسعفه الطبيب

ربنا يولى من يصلح

زهرة(جنى)الاسلام يقول...

ا/محمود باحث عن حب
والله مش عشان انى منهم بشكر فيهم
لكن هما جماعة منظمة جدا ماشية فى طريق رسول الله صلى الله علية وسلملية بقى ىمخنوقين منهم للدرجة دى
جزلك الله خيرا على هذا التفاعل

عبدالله أتومنار يقول...

موضوع مميز وطريقة كتابته اروع

شكرا لك اختي الكريمة
تقبلي مروري

ويكا يقول...

ايه موضوع مسلسل الجماعه ده ؟؟؟؟

قلــ"بـــلال"ــــــب فارس يقول...

السلام عليكم
وعوده حميده
ورمضان جاى وكل سنه وانتى طيبه
مسلسل الجماعه
طبعا الحمد لله 90 % من الشعب المصرى عارف الاعلام كذاب
فالمسلسل ده ممكن اضيفه لانجازات الاخوان
لان الشعب هدور وهيقرأ .
وهيعرف اكتر عن الجماعه بس اطلب من الاستاذ سيف الاسلام ابن الامام حسن البنا ان هو يعمل ضجه شويه علشان الناس تعرف ان هو مزور 100%
والحمد لله نسبه كبيرة فى الشعب مفتحين عينهم كويس وبداوا يقروا والحراك السياسى
ويمكرون ويمكر الله والله خير الماكرين ....
وايه القناه الاولى فى التلفزيون المصرى
جايبها والله اعلم هينشرها وقت ايه
اظاهر هينشرها فى اذان العشاء او وقت القيام
........
ربنا مع الخير

الغاردينيا يقول...

مرحبا حلوتي

انا عن نفسي ما بفتح خالص تلفاز

لاني اساس مش من حبيه ههههه واذا فتحت

بسمع اي برنامج ديني عشان يحمسني اكثر و

اكثر للعبادة هههه وبس

ومتزعليش عشان مسئلتش عليكي انتي

بالقلب يا بت وبعدين انا بشوفك

بالفيس بوك هنا وهناك فبطمئن انك موجودة

سلام ^_^ ورمضان كريم وينعاد علينا واحنا باتم خير

سلسبيل يقول...

حبيبتى حمداً لله على
سلامتك نورتى مدونتك
و كل عام و انتى بخير
رمضان كريم

أكرم هندوانة يقول...

السلام عليكم
أختي زهرة الإسلام

نعم موضوعاتك رائعة وتبعث رائحة حب الخير للآخرين ولأم الدنيا

تقبل الله منا ومنكِ صالح الأعمال
وكل عام وأنت بخير...

تركي الغامدي يقول...

أتمنى لمصر العزيزة وكل الشعوب العربية الأمن والاستقرار والعيش الرغيد ، ومصر غنية بأهلها وعلمائها وقادتها ، وأي مواطن عربي محب لبلاده العربية لايمكن إلا أن يميل إلى جانب مايجعل مصر تنعم بالاستقرار في مختلف مجالات الحياة النافعة ، وأي حراك سياسي تكون محصلته خير البلد مرحباً به ، إنما إذا ترتب عليه أضرار وتفكك لاقدر الله فما الفائدة ستجنى من غلبة فريق على آخر ، إلا الاستمرا في هدر الطاقات ، وعلى كل حال مايختاره الله سبحانه وتعالى حيث يكون الملك والقيادة هو الأفضل ، وياليت يكون هم من يدير الأمور في أوطاننا العمل على تنامي عجلة الإبداع والاختراع والصناعة والعدل حتى وإن تغيرت الشخوص ، وأن يتم تداول السلطة بعيداً عن تلك الصراعات الكريهة ، والله المستعان .

طلباوي يقول...

السلام عليكم

موضوع جميل

وانا لا أظن أنا هذا المسلسل سيكون

جميلاً

تحياتي لك

زهرة الاسلام

MOHAMMED ELBANNA يقول...

كل عام وأنتي بخير
بالنسبة لمسلسل الجماعه أود أن أذكر سيادتك بقوله عز وجل :
ويمكرون ويمكر الله والله خير الماكرين
تقبلي تحياتي
محمد البنا

MR.PRESIDENT يقول...

رغم الأعلانات الشيقة
لكن بإذن الله مش هشوف ولا مسلسل
في رمضان لأن الواحد مش ناقص
وكفاية ذنوب طول السنة
لما تيجي فرصه أموتها

تحياتي وحمدالله علي السلامة من غيابك

تويتي فلسطين يقول...

السلام عليكم

كل عام وانتي بالصحه والسلامه اختي العزيزه

واكيد الكلام الي قلتيه صح

والحمد لله على سلامتك

تسلمي على الموضوع الجميل

تحياتي

دودي فلسطين يقول...

زهره على اي قناة بدو يجي
والله تشويه صوره الاخوان المسلمين
صارت بالافلام وانا بنتقدهم جدا

وفعلا زي ما قلتي هدفهم هو تشويه صورتهم كارهاب يعني
وربنا يكون بعونا على مسلسلات رمضان
ربنا يتقبل من الجميع
وكل سنه وانتي طيبه

مشتاقتلك كتير

زهرة(جنى)الاسلام يقول...

ا/عبدلله اتومنار
الله يكرمك
وكل سنة وحضرتك طيب

زهرة(جنى)الاسلام يقول...

ا/ويكا
الموضوع ان التلفزيون المصرى لى ان فى اقبال كبير على الاخوان المسمين
وكمان بقى ليهم مطالب كتيرة منها
التغيير
فحبوا يشوهوا صورة الاخوان عن طريق المسلسلات
لكن مهما عملوا مش هايشوة صورتها

زهرة(جنى)الاسلام يقول...

ا/ قلب فارس
حضرتك تقريبا قلت نفس اللى عاوزة اقولة لكن محبتش اوضح
بان المسلسل دة خير لينا مش ضدنا

وثانيا كل سنة وحضرتك طيب

زهرة(جنى)الاسلام يقول...

الغاردينيا
اولا انا من هواة قناة طيور الجنة بس
وقنوات الاطفال
لكن ضجة المسلسلات السنة دى بسمع من كل اللى حواليا
انهم مزهولين من كمية المسلسلات
ربنا يستر بقى
وعلى فكرة انا مزعلتش والله بس حبيت بس اهزر شوية

زهرة(جنى)الاسلام يقول...

سلسبيل
وانتى طيبة يا قمر
وعلى فكرة انتى فى الحقيقة مغطية حتى عن القمر

زهرة(جنى)الاسلام يقول...

ا/اكرم هندوانة
وعليكم السلام
الله يكرمك بتحرجونى يا جماعة
بكلامكم دة
هههههههههه
شكلكوا هتخلونى اتغر والا اية
جزاك الله خيرا اخى
وكل سنة وحضرتك طيب

زهرة(جنى)الاسلام يقول...

ا/ تركى الغامدى
جزاك الله خيرا على هذا المرورالطيب
ويارب يثبت اهل مصر ويهون عليهم هذة الحكومة الظالمة

زهرة(جنى)الاسلام يقول...

طلباوى
اكيد طبعا المسلسل دة مشحلو طبعا
شكرا لمرورك اخى الاصغر

زهرة(جنى)الاسلام يقول...

ا/ محمد البنا
الله يكرمك
على هذة التذكرة
وحضرتك طيب وبردة كل سنة وحضرتك طيب
واكيد طبعا مهما عملوا
ويمكرون ويمكر الله والله خير الماكرين

زهرة(جنى)الاسلام يقول...

MR.PRESIDENT
ان شاء الله ميش تلفزيون هذة السنة بعون الله
كل سنة وحضرتك طيب

زهرة(جنى)الاسلام يقول...

تويتى فلسطين
الله يكرمك س هو دة الواقع الاليم
وكل سنة وانتى طيبة
وعلى كل اهل فلسطين

زهرة(جنى)الاسلام يقول...

دودى فلسطين
معرفش والله هو على اى قناة
لكن ان شاء الله مش عاوزة اعرف لان شهر رمضان مش عاوز مسلسلات
وانتى طيبة يا قمر
وانتى وحشانى اكتر

خالد أبجيك يقول...

عودا حميدا أختي الكريمة..

كلامك في الصميم.. في رمضان عوض أن ينشغل الناس بالعبادة وقراءة القرآن، يريد مسوؤولنا إلهائهم بالمسلسلات والفتن تعويضا عن غياب الشيطان.. حسبنا الله ونعم الوكيل..

كنت هنا..

lina يقول...

بسم الله و الصلاة و السلام على رسول الله و بعد

زهرة الاسلام العبقة لفتة طيبة منكِ هذه الكلمات اسال الله ان تكون في ميزان حسناتك ..شغلنا الله بطاعته و اعاننا على حسن عبادته..آمين

رمضان مبارك

لينا.

♥♥ سكنـــ روحي ــت♥♥ يقول...

اللهم بلغنا رمضان بالخير

زهرة(جنى)الاسلام يقول...

hا/ خالد
فعلا الحكومات عاوزة دة ان الناس تنسى
رمضان
وتفكر فى المسلسلات
الله يستر

زهرة(جنى)الاسلام يقول...

لينا
وحشتينى فينك بقالك زمن مش موجودة
اللهم امين واللهم ابلغنا رمضان

زهرة(جنى)الاسلام يقول...

سكنت روحى
اللهم امين
شكرا لمرورك الرائع على مدونتى المتواضعة

ساسو يقول...

وحشتيني حبيبتي أوي
كل سنه وانتي بخير وسعاده يارب
ورمضان كريم

عبدالله أتومنار يقول...

بريحة العطر والمسك والعود
رمضان علينا وعليكم يعود
شهر الخير والكرم والجود
تهاني لكم من قلب ودود

زهرة(جنى)الاسلام يقول...

ساسو
وانتى اكتر ومنورة المدونة يا قمر
وكل سنة وانتى طيبة

زهرة(جنى)الاسلام يقول...

ا/ عبدالله اتومنار
الله يكرمك على هذة الكلمات الجميلة وكل سنة وحضرتك طيب

midi haytham يقول...

كشف تسربات
تخزين اثاث
شركة نقل اثاث بالرياض
شركة تنظيف فلل بالرياض
شركة تنظيف بالرياض
شركة تخزين عفش بالرياض
شركة نقل عفش بالرياض
شركة نظافة بالرياض
جلي بلاط
شركة تنظيف مسابح بالرياض
شركة تنظيف فلل بالرياض

شركة تنظيف شقق بالرياض
شركة تنظيف منازل بالرياض
شركة شفط بيارات بالرياض
رش مبيدات
شركة مكافحة حشرات بالرياض
تسليك المجارى
شركة تنظيف بالرياض


شركة نقل اثاث بالرياض
ترميم المنازل
شركة غسيل خزانات بالرياض

Related Posts with Thumbnails