إجمالي مرات مشاهدة الصفحة

الاثنين، 29 نوفمبر، 2010

حرب وليس انتخاب

السلام عليكم
كان امبارح يوم غير اى يوم بيعدى فى حياتنا
شوفنا فى كل حاجة
تزوير موجود بلطجة موجود امن دولة موجود 
قتل موجود دموع وجراح موجود
حزين موجود
كان فيه كل حاجة
اولا  احنا عندنا هيحصل اعادة مرة اخرى للانتخابات ولكن
المرة دة مابين مرشحين اتنين فقط
مرشح الاخوان (تم انسحاب مرشح الاخوان )لتصحيح المعلومة
ومرشح الحزب الحاكم (ابن الحكومة زى مابيقول)
لكن اناقولتلكوا انى دخلت اللجنة وانتخبت من غير اى ضرب وبهدلة
فى الاعادة الله يستر
مش عارفة اقول اية صراحة افرح والا احزن
احزن على الشعب اللى مقضيها نوم 
ولا احزن على الاسكندرية واللى حصل فيها
واللى حصل فى مرشح الاخوان 
اللى لحد دلوقتى مش عارفة طلع من المستشفى والا لا
ولا احزن على مرشح المطرية اللى قتلوا ابنة
ولا احزن على مين ولا مين والا مين
لية دة كلة
فاكرين لما نزلت بوست وقولت فية اية الفرق بين مصر وفلسطين
دلوقتى عرفت ان مفيش فرق
هما عندهم حرب احنا كمان عندنا حرب 
لكن اللى يزعل اكتر
ان احنا اللى بيحاربونا اخواتنا 
مش عاوزينا نعيش تحت ظل الدين الاسلامى لا عاوزنها دولة علمانية
ودة كله لية 
عشان يعرفوا ينهبوا ويسرقوا كويس
والصورة دى هدية منى للشعب المصرى

هناك 23 تعليقًا:

eng_semsem يقول...

انا لله وانا اليه راجعون
لسه بدري لحد ما نوصل ومفيش حاجه بتيجي بالساهل وكتير ماتوا عشان غيرهم يعيشوا ومرض الضمير الميت اصاب البشر وربنا يعافينا وتتعافى امتنا

MR.PRESIDENT يقول...

كل اللي اقدر اقوله حسبي ربي جل الله الله الله .

الله أكبر فوق كيد المعتدي من أبناء الوطني

اللهم اهدي الظالمين فإن لم يريدوا هدايه فاجعل كيدهم في نحورهم قادر يا كريم


يا ريت الشعب يخلي عنده دم ويفوق

مدونه ما كفايه بقى يقول...

حسبنا الله ونعم الوكيل

نقول ايه غير كده بس

كله يهون فى سبيل الله

فى قبلنا شافوا اكتر مننا

هنصبر ومش هنسيب حقنا

مش لاقيه كلام اقوله من الحاله اللى انا فيها

حسبنا الله ونعم الوكيل

mrmr يقول...

حسبى الله ونعم الوكيل
طبعا حرب والشعب اللى خسران فى الاخر
ربنا يرحم شعبه

karmen يقول...

حفلة وانت معزوم تعالي خد هديتك ^_^

karmenhome.blogspot.com/2010/11/blog-post_30.html

المجاهد الصغير يقول...

أدانت الصحافة التركية اليوم التجاوزات التي شهدتها عملية التصويت في انتخابات مجلس الشعب المصري، والاعتقالات التي تعرض لها أنصار مرشحي الإخوان المسلمين أثناء عملية الاقتراع، وتزوير الأصوات بشكل فاضح، وأعربت من جانبها متهكمة أن المصريين يقفون على صناديق اقتراع نتائجها مجهزة من قبل.
انتخابات كووووووووووووووووووووسه

ولا بالاحلام يقول...

السلام عليكم ورحمة الله وبركاته
انا بئه عارفه أزعل على مين
ازعل علينا لاننا احنا البنقرر مصيرنا وربنا يهدينا ويرحمنا
ولا يمكن أن تجد معركه بين حق وحق لان الحق واحد
وإن وجدت معركه بين حق وباطل لا تطول لان الباطل زاهق
وبالنسبه لهديتك للشعب المصرى
فهم فعلا يستحقوها
وألف مبروك وربنا يوفقه ويسدد خطاه وكما قال الشعراوى (أن الملك كِله بيد الله يؤتيه من يشاء فلا تآمر لأخذه ولا كيد للوصول إليه فإنه لا يحكم أحد فى ملك الله إلا بمراد الله
فإذا كنت قدرنا فليوفقك الله وإن كنا قدرك فاليعنك الله على أن تتحملنا)
ولا كلام بعد هذا الكلام
تحياتى
ابتسام محمد (ولا بالاحلام)
سنووايت (أميرة الاحلام)

زهرة(جنى)الاسلام يقول...

eng_semsem
فعلا مفيش حاجة بتيجى بالساهل
لكن الشعب لازم يفوق الاول
والمرض شكلوا انتشر فى كل الدول العربية
والله يستر

زهرة(جنى)الاسلام يقول...

mr.president
فعلا دة اللى نقدر نقولة حسبى الله ونعم الوكيل فى كل فرد من شعب مصر مراحش وشارك فى الانتخابات وساند للتزوير
واللهم امين على هذا الدعاء اخى

زهرة(جنى)الاسلام يقول...

مدونة ما كفاية بقى
كلنا فى حالة نفسية صعبة وصدمة
لكن هانقول اية سوى حسبنا الله ونعم الوكيل

زهرة(جنى)الاسلام يقول...

mrmr
اختى الشعب اللى يسكت على الظالم يبقى شعب مايستهلش
دة شعب وافق على التزوير والخراب
وساكت ومش راضى يتكلم
حسبنا الله ونعم الوكيل

زهرة(جنى)الاسلام يقول...

كارمن
ان شاء الله هحاضر الحفلة بس هديتى اية؟؟؟
شكرا لمرورك اختى

زهرة(جنى)الاسلام يقول...

المجاهد الصغير
هى فعلا كوسة
لما اروح انتخب وسيبين اللجان عشان عارفين ان النتيجة ظهرت من قبلها بيومين
هاقول اية حسبنا الله ونعم الوكيل

زهرة(جنى)الاسلام يقول...

ولا بالاحلام
بجد انتى قولتى كل شئ كان فى قلبى
بجد مش عارفة ارد على تعليقك لانة موجز كل شئ هو الشعب دة مينفعش معاة غير مبارك وامثالة

سلسبيل يقول...

و الله عندك حق دى بقت حرب بس ان شاء الله الأسلام هو الى حينتصر فى النهاية
تحياتى لك حبيبتى و تقديرى على
الموضوع القيم

أبو حسام الدين يقول...

السلام عليكم
أمس وانا أقلب القنوات الفضائية، إذا بي أجد أحد البرامج لا أتذكر عنوانه، استضافت المديعة الكاتب الكبير جمال الغيطاني، ولأني أحب الأدب توقفت لأتابع البرنامج وخاصة وأن الغيطاني أديب كبير، فإذا بأحد المتدخلين يسأل الكاتب عن رأيه في الإنتخابات، الحقيقة أني لم أفهم كيف صار جمال الغيطاني تطلع الكلمات منه بصعوبة، وكأنه يخشى أن يقول كلمة لا تروق البعض، والذي زاد عجبي هو قول المديعة له "إوعى تقول إن الإنتخابات غير نزيهة".
حقيقة أحس بالأسى أن كل من سكن كرسيا يبقى فيه إلى أن يرحل عن الحياة، وليس هذا فقط بل قد يورته.. للأسف الشعوب إرادة لها، كيف تحكم نفسها بنفسها إذا كما تحث عليه الدمقراطية المدعاة.
أسال الله أحسن حال لنا ولكم أخوتنا في مصر.

أبو مصعب يقول...

كل انتخابات وانتوا طيبين
مبارك على هذا المجلس الجمال والعز
وشكله مفيد وغالى ان شاء الله
ةبإذن الله هينفك قريب

زهرة(جنى)الاسلام يقول...

سلسبيل
اكيد طبعا الاسلام هو اللى هينتصر مهما كان
وسيبقى الاسلام هو الحل

زهرة(جنى)الاسلام يقول...

ا/ ابو حسام الدين
والله اخى جميع الاعلام يحاول تغطية اللى حصل فى مصر
بس من كتر التزوير هما فضحوا نفسهم بنفسهم
وحسبى اللهونعم الوكيل فى كل ظالم

زهرة(جنى)الاسلام يقول...

ا/ ابو مصعب
مهما قاعدوا كتيير على الكرسى
هيتشالوا هيتشالوا

الغاردينيا يقول...

لا حولو لا قوة الا بالله
حاسه بالوجع والله يازهره
مافي اسوا منك انك تحاول تغير
تحاول تصنع مستقبل افضل
فتجد من يمنعك عن هذا
والاسوا اننا نحارب بعض
صدقتي

وعلى فكرة انا معنديش بطاقة انتخابيه :) لاني ما اصدق الانتخابات خلاص
صوتي ملوش قيمه

midi haytham يقول...

شركة تنظيف واجهات حجر بالرياض
كشف تسربات
تخزين اثاث
شركة نقل اثاث بالرياض
شركة تنظيف فلل بالرياض
شركة تخزين عفش بالرياض
شركة تنظيف شقق بالرياض
نقل عفش
شركة تنظيف موكيت بالرياض
شركة تنظيف مجالس بالرياض
شركة تنظيف مسابح بالرياض
شركة تنظيف بيوت بالرياض

تنظيف بيارات بالرياض

midi haytham يقول...

شركة رش مبيدات بالرياض
شركة مكافحة حشرات بالرياض
شركة عزل خزانات بالرياض

تسليك المجارى
شركة غسيل خزانات بالرياض


تنظيف بيوت الشعر بالرياض
شركة شفط بيارات بالرياض

Related Posts with Thumbnails