إجمالي مرات مشاهدة الصفحة

الأربعاء، 31 أغسطس 2011

عيد سعيد من غير .. مبارك

كل سنة وانتم طيبين
وعيد سعيد
من غير مبارك 
ومن غير قزافى ..وعلى واسد 
وكل حاكم فاسد
وعيد سعيد لانى واخدة عهد على نفسى انى مش هاقول عيد مبارك 
لانة بيلزق على طوووووووووووول 

30سنة وانا مش ناقصة 
:D:D:D

وصراحة العيد السنة دى مختلف بكل المقاييس 
بالنسبة ليا شخصيا وسياسيا 
بس فى كلتا الاحوال احلى عيد



الجمعة، 26 أغسطس 2011

نسيتونى

السلام عليكم 
زوار مدونتى الكرام
كل سنة وانتم طيبين
عارفة انها متأخرة بس لظروف خاصة
مكنتش لاقية حاجة اكتبها مع ان الاحداث كتييييييير
بس انهاردة ليلة القدر 
وكل اللى باطلبة منكم 
متنسوش اخواتكم فى فلسطين
الصومال 
سوريا اليمن
♥♥♥
ومتنسوش دعواتكم لاتحاد الامة الاسلامية 
وبرجوع المسجد الاقصى لينا تانى من جديد وان شااء الله 
هحاول اكمل قصة 
قطار متاهة 
وجزاكم الله خيرا

الأحد، 22 مايو 2011

انا اتخطفت

السلام عليكم زوار مدونتى الكرام
عارفة انى غبت عنكم كتييييير 
انا رجعتلكم ببوست جديد
اسمة اكيد شدكم
بس هو بس للفت الانتباة مش اكتر
انا اتخطفت 
غيروها لاتخطبت 
عارفة ان فى ناس كتيييير نفسها تضربنى وتقولى خوفتينا 
بس معلش حبيت اشد انتباهكم


الصورة دى اهداء من صديقة
ليا


 و لصاحب مدونة 



الأحد، 20 مارس 2011

اليوم عيد

السلام عليكم ورحمة الله وبركاتة 
يا شعب مصر العظيم 
بجد حبك بيزيد فى قلبى يا غالية يوم عن يوم 
بتعلمينا الحرية وبيقنا رافعين راسنا فوق
حبيت يا جماعة احكيلكم عن يومى فى الاستفتاء
هو انا اتفقت مع اختى اجيلها الساعة9 صباحا عشان اقد مع العيال وهو تروح تنتخب ونبدل
طبعا صحيت متأخر صحيت 9.5وكان طبعا عالبال مالبست ورحت ركبت المواصلات 
كانت الساعة 10
المهم اتهبلت فى عقلى ولبست كعب عالى 
ورحت لقيت اختى راحت انتخبت المهم روحت انا اللجنة لقيت بسم الله ماشاء الله 
ناس كتييييييييييييييييييييييييييييييييييييييير وقفين طابور 
قولت اروح اقف فى اخر الطابور عشان احنا ناس متحضرين
المهم ولاول مرة ارح اقف فى الطابور وناس  تقف ورايا من غير زق ولا ضرب
لانى متعودة دايما انوابيضحك عليا والناس تيجى تاخد دورى وبالاخص انى مبعرفش ازعق فى حد او اتعارك
المهم عدى ساعة كاملة واليوم كان حر جدااااااااا وحاسة ان دماغى ولعت من الشمس احمدك يارب وصل اللجنة ودخلت صوت المهم عملت نعم بس اللى زعلت منة انى محطتش الورقة بنفسى 
بس كنت سعيدة جداااااااااااااااااا لانى ولاول مرة حاسةان صوتى مش هايتزور 
وطبعا مصدقت صورت كام صورة بس ان شاء الله هانزلهم فى البوست القادم
المهم صورت ومشيت بسرعة لانى كنت خلاص الكعب عالى جاب اخرة معايا
(نصيحة منى لكل البنات
               بلاش تلبسى كعب عالى تانى اسألى مجرب)
ههههههههههههههههههههه سلام بقى عشان احنا لحد انهاردة بنحتفل بنزاهة الانتخابات لانة بالنسبة لنا اليوم عيد

الثلاثاء، 15 مارس 2011

لازم ومش لازم

السلام عليكم
وبعد طول انتظار وبعد اعلان تخلى عن الحكم 
تنازلت وقولت يلا اسيبكم فى حالكم
ههههههههههدة طبعا هزار
اليوم المفروض انها تكون مفاجأة بس انا قولت انتظرونى قريبا فى 
لازم ومش لازم
على الفيس تم الرد بانى هاعمل عملية انتحارية والكل مترقب 
بس الحقيقة انى كتبت زجل مش اكتر 
وهو اسمة لازم ومش لازم
وبعد ازنكم بقى ابدأفى كتابة الزجل

 مبروك عليكم الحرية يا مصريين
 تستاهلوها من سنين
ولازم ماتفضلوش ساكتين
 عالظلم والأفترى على الملايين
على ميدان التحرير 
هانجيب حقوق الملايين
ودة بيفكرنى بزوجة مصرية 
     دايما تقول آمين
وأوعى تقول من اللى قالوا
    دول فاشلين 
وعلى ميدان التحرير مزقوقين
  عاوزين نغير مراتتنا وعاوزين بدلهم صينيين
وانتى تقولى دة مش جايبلى شقة فى مارينا ولا راس التين
وتروحى على القائد ابراهيم
وتعملى مظاهرة وتقولى عاوزيين تركيين
وتقولى عاوزين مهند والشعر الاصفر
هو احنا مش من حقنا التغيير
لازم ومش لازم تناقد بين كلمتين
لازم نتحرر من حاكم ظلم كل الملايين
ومش لازم نقول مطالب فئوية ندمر بيها حياة المصريين
سواء كانوا مسلمين او مسيحيين 
لازم نجدد بلدنا ونبنيها صح
وننعش بلدنا من جديد

(هههههههههههههه طلعت عملية ارهابية بحرض الزوجات المصريين بتغيير ازواجهم
والازواج يطالبون بتغييرزوجاتهم محتاجين 
حد يحل الموضووع يا جماعة احسن امريكا تدخل)
سلامممممممممممممممممم
وانتظرونى فى العملية الارهابية القادمة


الخميس، 10 مارس 2011

فرفشة

السلام عليكم ورحمة الله وبركاتة
تحدثكم اليوم 
المتحدثة الرسمية 
عن الحياة واللى فيها
هاتقولولا مين اللى رشحك 
هاقولكوا انا رشحت نمفسى بنفسى اشمعنى مبارك
عاوزة اعمل زية شوية 
هاتقولولى هانعمل انقلاب
هاقولكم ولا يهمنى 
وبعد كام يوووووووووووووووووووووووووووووووووووم 
من 
التعب الشديد
وحالات الهرجلة القسوى ووم الخيانة 
ان ان أةةةةةةةةةةةةةةةةةةةة
تشششششششششششششششش
(تخيلوها بموسيقى)
وتم تخليى عن الحكم 
هههههههههههههههههههههههههههههههههههههه
طبعا زمنكوا كلكوا بتقولوا زهرة راجعة دماغة مفوتة ولا اية 
هاقولكم لا بس حابة ارتاح فترة ولو بالكتابة عن ظل الاحداث الحالية ومتخرجوناش عن جو التسلية والمرح
انهاردة حبيت احتفل بتخلى مبارك عن الحكم 
متأخرة شوية بس معلش 
يلا نبدأ الاحتفال
اول حاجة انا شغالة بعمل فى التورتة 
وتيجى اختى نتعارك على مين هايحط اللمسة النهائية
وهى تشد وانا اشد وتشد وانا اشد
وفى الاخر التورتة تقع بعيييييييييييييييييييييييييييييييييييييد
وباظت التورتة 
فحبيت ادارى الموضوع وانزل اشترى تورتة وامرى الى الله
بقولكم اية التورتة دى للفرجة وليس للآكل 
دا انا مأجراها وهارجعها تانى
كان نفسى اجبلكم تورتة 30دور بس معلش 
التنحى القادم

المهم دلوقتى بقى كل واحد ياخد بلونة بس متتفرقعش 
كفاية عليكوا بقى تورتة وبالونات 
ومتنسوش تدفعوا رسوم 
مشتريات وضرائب اهدار مال عام التذكرة فى حدود
 100الف جنية بس 
يلا سلام لان شكل كدة كل زوار المدونة هايعملوا عليا انقلاب ودة غير ان الكلام دة بيتنشر على الفيس فهايحصل انقلاب رسمىىىىىىىىىىىىى


(انتظرونى قريبا فى لازم ومش لازم)
سلامممممممممممممممممم

السبت، 26 فبراير 2011

فيلم واقعى


السلام  عليكم
عارفة انكم هاتستغربوا الصورة اللى فوق دى 
احنا فى مصر فرحانين وطايرين من الفرحة 
لية الصورة دى؟؟
دة طبعا لحالتى النفسية السيئة دعواتكم
حالتى النفسية تنقسم لشيئين
  1. شئ شخصى 
  2. اللى بيجرى فى ليبيا مع العلم كلام القذافى بييضحك جداااااااااااااااا بطريقة هستيرية
 بس مفيش تعليق اقولة على كلامة


بس اللى مستغربالة هو بقى رئيس ازاى مين سمح لشخص زى دة يكون رئيس دة شخص مش سوى
انا هافكركم بشخصية كل العرب بيحبها وبنتفرج على الفيلم بتاعها من واحنا صغيرين 


فاكرين عمر المختار
اكيد طبعا فى ظل هذة الاحداث
لكن الفيلم دة مش هايخلص لية
لانة رجع تانى فى ظل هذة الاحداث 
ولكن 
فى النهاية هذا الرجل انتصر وشعب ليبيا سينتصر 
ومش هاتكلم بعد الصورة 
لان التاريخ اتكلم اكتر منى عن هذا الرجل
 
ملحوظة :
         متزعلوش منى انى بتأخر فى المدونة اغلبية الوقت مبكونش فاضية لكن ان شاء الله الوضع يستتب هاكون معاكم دايما

 

الخميس، 17 فبراير 2011

فرحة كبيرة

السلام عليكم ورحمة الله وبركاتة
اليوم يوم جديد فى تدوينة عصر جديد
عصر من غير مبارك ولا سليمان
عصر مليان حيوية وايمان

اعتقد  الكل فرحان كتيييييييييييييير بخروج مبارك المخلوع
اخيرا بعد 30 سنة

مبروك عليكم يا شعب مصر حياة جديدة
حرة
وعقبال شعوب الوطن العربى كله

ومهما اتكلمت مش هاصف فرحتى
هاسيبكم مع الفيديو دة يمكن يوصلكم فرحتى


او او شيلنا حسنى اواو شيلنا حسنى

السبت، 5 فبراير 2011

ام الدنيا +أضحك معانا

السلام عليكم
والله يا جماعة مش عارفة اكتب اقول اية لكن لقيت شعر 
كاتبة صاحب مدونة
حرية بلا ثمن 
جميل جدا وكانة بيقول كل الكلام اللى جوا المصريين
ملحوظة
(انا عرفت ان الفيس بوك مش هيبقى مجانى ياريت تقولولى اعمل اية عشان يكون مجانى)
مصر مصر  يا أم الدنيا 
خيرك مغطي دول تانية 
ويعيني فيكي مكان اسمو   
 المراكبية 
المجاري بتجري فيها زي الأنهار 
والكهربا مش شغالة طول النهار 
والشرطة بقت بتضرب الناس بالنار 

خيرك راح فين يا مصر 
لم تصدري غازك للصهاينة 
ومتلقيش غاز في مصر 
ولما حاكمك يساهم اسرائيل 
وهو مستخبي في قصر 



لكن الشعب بيقول ..........
بنحبك يا مصر   بنحبك يا مصر 
30 سنة زل واسر 
وبرده بنحبك يا مصر 
30سنة بطالة وفقر 
وبرده بنحبك يا مصر 
الشعب اليوم بقا حاجة تانية 
الشعب بيطالب بحقوقة الضايعة 
الشعب فاق   يا عــــــالم 
وبيقول مش عاوزين 
خلاص ظلم 
ولا عاوزين 
خلاص بطالة 
ولا عاوزين 
خلاص استبداد 
وفي النهاية بيقولو 
مش عاوزينك يا مبارك 
مش عاوزينك يا مبارك 
وبحق ولادنا في التحرير 
شفلك شقة في اسرائيل 
واسيبكم مع الكاريكاتير دة  لان الشعب المصرى يتميز بالضحك فى اشد ازماتة

وكفاية جدا
ويارب مبارك مايطلبش الشعب بالرحيل

الأربعاء، 2 فبراير 2011

الحقوناااااااااااااااا

السلام عليكم ورحمة الله وبركاتة 
عدنا مرة اخرى وذلك لانقطاع الت عن مصر منذ فترة

انا مش عارفة اقول اية حرام عليك كفاية دمرت البلد 
ارحل وسيبها 
يا سيدى مش عاوزينك تتحاكم امشى وسيبنا فى حالنا حرام عليك الناس اللى ماتت واللى مصابين 
وبالامس كان فى مظاهرة فى كفر الدوار بمحافظة البحيرة تقريبا يوصل للمليون شخص وبيقولولك ارحل
انت  تقريبا منتظر موت الشعب وبعد كدة ترحل وهذا الفيديوهات والصور توضح  ذلك

هذة اول مظاهرة يوم جمعة الغضب 
وهذة بالأمس 
وكان مشارك فيها النساء 





ودى كانت مظاهرة الامس بس عند الرجال
معلش باقى الفيديوهات بحاول انزلها
وبعد كدة هابقا اعرضها لحضرتكم
بس اليوم حدث شئ غريب جدا 
كتبت دعوة لتكملة المظاهرة لرحيل مبارك 
وتفاجئت بمن يهينونى اهانات عمرى ما سمعتها ولا هاسمعها تانى 
المفروض ان فى حرية فى الاراء 
ياريت الكل يحترم رآى الاخرين
حتى لو كانت غلط


الاثنين، 10 يناير 2011

قطار متاهة (خفيف اليد)

السلام عليكم ونكمل باقة القطار 
وعلى فكرة  هى مكنتش واضحة فى الاول لانها فى بدايتها
لكن بعد كدة هاتوضح
 ووقف عند قطار 
(خفيف اليد)
ومش عارفة هما ليه سموها كدة وركب ناس ونزل ناس ولمحت وانا قاعدة راجل أية لابس بدلة شيك جدا وحاطط برفان جميل وانا قاعدة لاحظت واحدة ست قاعدة تبكى سألتها فى ايه يا حاجة
  الحاجة : أصل انا اتسرقت 
مستغربة : طيب وشفتى اللى سرقك؟ 
الحاجة : لأ يا بنتى 
مستغربة : طيب أهدى يا حاجة ... هو حضرتك اسمك اية ؟؟ 
الحاجة : انا اسمى (على نياتها)
مستغربة : طيب يا حاجة على نياتها قولى الحمد لله وان شاء الله هتلاقى فلوسك ماتزعليش 
 وبعد فترة رجعت ابص تانى على الراجل اللى لفت نظرى وحصلت حاجة مكنتش اتوقعها ولا فى الاحلام

الأربعاء، 5 يناير 2011

قطار متاهة

السلام عليكم 
وحصريا اولى يوميات قطار متاهة 
تعريف بكاتبة القصة
واسمها فى عالم التدوين هايكون سمكة
عندها 23سنة
وهى كتبلكوا متاهة لكن واقعية جدا 
يلا عشان مابوظ القصة اكتبهالكوا بسرعة
انا اسمى مستغربة ومن بلد اسمها بلد الاحلام فى يوم من الايام نويت اسافر لبلد العلم والايمان رحت عشان اركبلها قطار سريع يوصلنى ليها بس يا خسارة ماكنش فى غير قطار كان اسمة (متاهة) قلت اركب وامرى لله واول ما دخلت شفت منظر فظيع لاقيت الكراسى مقطعة والشبابيك متكسرة والدخان مالى المكان قلت اقعد وبعد فترة هتعود

على الجو المكان وركبت الناس القطار وفجأة وسط الزحم سمعت صوت بنت صرخت مرة واحدة ولاقيت الناس اتلمت وعرفت ان فى بنت اغمى عليها وجرى اصحابها عشان يفوقوها لكن قام ولد من مكانة وقال للبنات وسعوا وسعوا انا هاعرف اتصرف
 ومثال البنت بين ذراعة وقعد يا عينى يفوق فيها وفجأة
Related Posts with Thumbnails