إجمالي مرات مشاهدة الصفحة

الاثنين، 10 يناير، 2011

قطار متاهة (خفيف اليد)

السلام عليكم ونكمل باقة القطار 
وعلى فكرة  هى مكنتش واضحة فى الاول لانها فى بدايتها
لكن بعد كدة هاتوضح
 ووقف عند قطار 
(خفيف اليد)
ومش عارفة هما ليه سموها كدة وركب ناس ونزل ناس ولمحت وانا قاعدة راجل أية لابس بدلة شيك جدا وحاطط برفان جميل وانا قاعدة لاحظت واحدة ست قاعدة تبكى سألتها فى ايه يا حاجة
  الحاجة : أصل انا اتسرقت 
مستغربة : طيب وشفتى اللى سرقك؟ 
الحاجة : لأ يا بنتى 
مستغربة : طيب أهدى يا حاجة ... هو حضرتك اسمك اية ؟؟ 
الحاجة : انا اسمى (على نياتها)
مستغربة : طيب يا حاجة على نياتها قولى الحمد لله وان شاء الله هتلاقى فلوسك ماتزعليش 
 وبعد فترة رجعت ابص تانى على الراجل اللى لفت نظرى وحصلت حاجة مكنتش اتوقعها ولا فى الاحلام
 لاقيت الراجل دة بيرمى حاجة على الارض ومشى ... جريت من مكانى ورحت اشوف اية اللى رماه وقلت يمكن حاجة وقعت منه لكنى لاقيتها محفظة جريت على الحاجة على نياتها وقلت ليها هى دى محفظتك؟؟؟

 الحاجة : ايوة يا بنتى الحمدلله كويس انى لاقيت اوراقى فيها طيب انتى شوفتى اللى رماها يا بنتى
مستغربة : ايوة يا حاجة المهم اعرف امسكة عن أذنك يا حاجة  عشان اشوفه فى العربية التانية؟؟
الحاجة : ربنا يخليكى ليا يا بنتى  
مستغربة : على العموم يا حاجة خدى الفلوس دى لحد لما الاقيه ويمكن تكونى نزلتى 
الحاجة : ربنا يكرمك ةيديكى على  قد نيتك 
مستغربة : رحت العربية التانية ادور على الباشا الحرامى بس القطر وقف فى محطة كان اسمها
  "مظهر خداع " 
وركب ناس ونزل ناس وبعد ما اتحرك القطر
 لاقيت الراجل اللى سرق الحاجة على نياتها ماشى على المحطة وبيبتسم ليا وهو بيبص ليا بصة تحدى
وطبعا ما قدرتش امسكه المهم كانت العربية اللى ركبت فيها غير اللى مشيت منها كان الناس اللى قاعدين فيها لهم اهتمامات مختلفة
ولفت نظرى بنت كانت حاطة برفان ريحته تجنن وكانت قاعدة تحط مكياج وبتاكل لبانة 

ونسيبكم تكملوا حكاية محطة مظهر خداع فى البوست القادم 
 

هناك 15 تعليقًا:

eng_semsem يقول...

يعني اول ما الحكايه تحلو تقطعي اللقطه كده هو انت تبع الرقابه ولا ايه ههههههه
الحراميه في المواصلات العامه دلوقتي زيهم زي الكمسري والسواق ينفع اتوبيس من غير سواق ويمشي ؟؟؟
وللاسف في كمان ناس بتشوف الحرامي بيسرق وتسكت تقول ممكن يخبطني بحاجه يعورني اسكت وانا مالي
ربنا يسترها ومستنين الباقيه

المنشد أبو مجاهد الرنتيسي يقول...

بسم الله وبعد
بوركت على الطرح الطيب وبورك جهدك
قصة رائعة والأروع هو عنصر التشويق
يا ترى كم حلقة هذه القصة ؟ هههههه

تقبلي مروري وتحياتي

محمد الجرايحى يقول...

تقبلى مرورى وتقديرى واحترامى
وأحييك على طرحك المتميز والمشوق

بارك الله فيك وأعزك

ماجد العياطي يقول...

دايما النصابين بيبقوا في احسن صوره

دي عدتهم اللي بينصبوا بيها

الشيطان بيظهر في احسن صوره

جميله يازهره

تحياتي

زهرة(جنى)الاسلام يقول...

م/اسامة
مش لازم يكون فى تشويق فى الحكاية عشان تحبوا تكملوها
عادى الناس حاليا بتخاف من كل حاجة ونادر لما تلاقى حد بيدافع عن حقة لكن دة مش هيطول
ان شاءء الله يتفك عقدة لسان المصريين عن قريب

زهرة(جنى)الاسلام يقول...

المنشد ابو مجاهد
الله يكرمك
القصة مش من تأليفى
وهى على حسب المحطات
متخافوش هتوصلوا لمحطة اكيد
ههههههههههههه

زهرة(جنى)الاسلام يقول...

ا/ محمد الجرايحى
الله يكرمك
يارب يعجبكم

زهرة(جنى)الاسلام يقول...

ا/ ماجد
اكيد امال يعرف ينصب ازاى لازم بالبدلة
والمظهر الخداع

حلم يقول...

اعجبتني كلمة الباشا الحرامي
فعلا المظاهر خداعة
اسلوبك سلس وجميل جدا
بارك الله فيك يا طيبة

زهرة(جنى)الاسلام يقول...

حلم
الله يكرمك
دة من زوقك وعلى فكرة زهرة الاسلام انا اللى برد على التعليقات اما كاتبة القصة فهى صديقة لى

الغاردينيا يقول...

حقيقه خالده !

كل يوم بنخدع بالمظاهر وللاسف البشر سطحيين جداااااا ومهما حصل معاهم يرجعوا يحكموا عالواحد من مظهره مابيتعلموش الدرس !

واصلي ياعسل :) وسامحيني عالتاخر بالرد :)

سلسبيل يقول...

زهرة حبيبتى
اسفة بجد على التأخير
و حشتينى كتييييييير
تسلم ايدك على الموضوع
لك حبى يا أجمل زهرة

زكي الأخضر - كاتب في التحليل السياسي يقول...

السلام عليكم
نكتب لكم رغبة في أن نعرفكم علينا:
نحن فئة من المسلمين ذات اتجاه وبعد سياسي وعقدي واضح بعيداً عن الغموض، ندعو إلى قراءة الواقع ومعاينة الحقائق بعيداً عن التضليل الإعلامي، ولدينا موقع يهتم بتنمية مهارات فقه الواقع والتحليل السياسي، العمق نت:
http://www.al3umq.net/

نعتذر عن إرسال الرسالة إليكم في التعليقات، لأنه لا يوجد نموذج مراسلة في مدونتكم.
نرجو أن ترسل إلينا عنوان بريدك لنرسل لك كل أسبوع أقوى موضوعاتنا.
مع أطيب التحيات ...
زكي الأخضر
محرر الموقع

الشاب الصح يقول...

بجد بجد اسلوبك رائع جدا جدا بس انا زعلان انك بعد مشوقتينا خليتينا مشتوقين اكتر للجزء التانى نحــــن فى الانتظار

مدونه ما كفايه بقى يقول...

http://itwasmyhope.blogspot.com/2011/01/blog-post_26.html

Related Posts with Thumbnails