إجمالي مرات مشاهدة الصفحة

السبت، 5 فبراير، 2011

ام الدنيا +أضحك معانا

السلام عليكم
والله يا جماعة مش عارفة اكتب اقول اية لكن لقيت شعر 
كاتبة صاحب مدونة
حرية بلا ثمن 
جميل جدا وكانة بيقول كل الكلام اللى جوا المصريين
ملحوظة
(انا عرفت ان الفيس بوك مش هيبقى مجانى ياريت تقولولى اعمل اية عشان يكون مجانى)
مصر مصر  يا أم الدنيا 
خيرك مغطي دول تانية 
ويعيني فيكي مكان اسمو   
 المراكبية 
المجاري بتجري فيها زي الأنهار 
والكهربا مش شغالة طول النهار 
والشرطة بقت بتضرب الناس بالنار 

خيرك راح فين يا مصر 
لم تصدري غازك للصهاينة 
ومتلقيش غاز في مصر 
ولما حاكمك يساهم اسرائيل 
وهو مستخبي في قصر 



لكن الشعب بيقول ..........
بنحبك يا مصر   بنحبك يا مصر 
30 سنة زل واسر 
وبرده بنحبك يا مصر 
30سنة بطالة وفقر 
وبرده بنحبك يا مصر 
الشعب اليوم بقا حاجة تانية 
الشعب بيطالب بحقوقة الضايعة 
الشعب فاق   يا عــــــالم 
وبيقول مش عاوزين 
خلاص ظلم 
ولا عاوزين 
خلاص بطالة 
ولا عاوزين 
خلاص استبداد 
وفي النهاية بيقولو 
مش عاوزينك يا مبارك 
مش عاوزينك يا مبارك 
وبحق ولادنا في التحرير 
شفلك شقة في اسرائيل 
واسيبكم مع الكاريكاتير دة  لان الشعب المصرى يتميز بالضحك فى اشد ازماتة

وكفاية جدا
ويارب مبارك مايطلبش الشعب بالرحيل

هناك 14 تعليقًا:

eng_semsem يقول...

ربنا يسهل ويرحل قريب قبل ما نطلع كلنا عملاء للامريكان ياما مخربين في البلد وهو الوحيد الطاهر اللي عمره ما اذى حد

Jack يقول...

دي اشاعة مش هيبقي مجانا ولا حاجة

حلم يقول...

كلمات تبوح بالكثير وتوجز ما حصل ويحصل بارض الكنانة
بارك الله فيك يا طيبة
وشكرا لانك شاركتيناهذا الموضوع الجميل

الشاب الصح يقول...

و الله انا بدأت اشك ان انا مصرى بجد علشان لو كل المصريين زى مبارك يبقى انا تونسى ده راجل استغفر الله العظيم

المورقة عبير !! يقول...

ربنا يعين الجميع

الصورة الأخيرة اضحكتني كثيراً وابكت قلبي كثيراً

فرئيس دولتنا من ضمن المرسومين فيها ..

تقبلي مني خالص تحية يابنت مصر العظيمة

أحمد محمد شمسان يقول...

تحية لكِ زهرة الإسلام و للشعب المصري العظيم الذي آن له أن يقود الأمة من جديد لمرحلة التحرر من قبضة نظام القهر الدولي الذي يريد للعرب البقاء تحت أحذية الصهيونية عن طريق دعم الديكتاتورية و الأنظمة البوليسية

عجلة التاريخ لن تتوقف و صحوة أمة تلوح في الأفق بإرادة الشعوب رغم أنف أنظمة الإستكبار العالمي

زهرة(جنى)الاسلام يقول...

م/اسامة
ياريت يرحل بقى
ويومها هاوزع شربات على كل الناس
وهاروح ادور على زير وأكسرة وراة

زهرة(جنى)الاسلام يقول...

جاك
طب جزاك الله خيرا
لان كان الموضوع مهم جدااااااا ليا اعرف

زهرة(جنى)الاسلام يقول...

حلم
الله يكرمك دة انا اللى اشكركم لدخولكم مدونتى المتواضعة

زهرة(جنى)الاسلام يقول...

الشاب الصح
لا افتخر انك مصرى وارفع راسك لفوق
خلاص زمن التخفى انتهى
وهانت خلاص التحرير قرب

زهرة(جنى)الاسلام يقول...

المورقة عبير
مكنش قصدى والله يا قمر
انا كنت بتكلم عن مبارك
وان شاء الله يتصلح حال اليمن بالرئيس الجديد اللى تختاروة

زهرة(جنى)الاسلام يقول...

ا/ احمد محمد
اللهم امين اخى
ياريت نتحرر بقى ونخلص من الرئيس اللى ماسك فى الحكم ولازق مش راضى يسيبة
وجزااك الله خيرا على هذا المرور الطيب

المنشد أبو مجاهد الرنتيسي يقول...

بسم الله وبعد
صور رائعة
هم هكذا دائما ملصقين في الكرسي بنوع جامد من الغراء والصمغ ولكن مهما كانوا فهم في الحقيقة كما قال الله عز وجل: مثل الذين اتخذوا من دون الله اولياء كمثل العنكبوت اتخذت بيتاً وان اوهن البيوت لبيت العنكبوت لو كانو يعلمون

تقبلي مروري وإحترامي

تركي الغامدي يقول...

تحياتي لك ... مايمر به الشعب المصري العربي الشقيق لايسر وأرجو من الله تعالى أن تنكشف الغمة وأن تكون المرحلة القادمة مليئة بالخير لمصر وأهلها ، اللهم آمين .

Related Posts with Thumbnails