إجمالي مرات مشاهدة الصفحة

الأحد، 20 مارس، 2011

اليوم عيد

السلام عليكم ورحمة الله وبركاتة 
يا شعب مصر العظيم 
بجد حبك بيزيد فى قلبى يا غالية يوم عن يوم 
بتعلمينا الحرية وبيقنا رافعين راسنا فوق
حبيت يا جماعة احكيلكم عن يومى فى الاستفتاء
هو انا اتفقت مع اختى اجيلها الساعة9 صباحا عشان اقد مع العيال وهو تروح تنتخب ونبدل
طبعا صحيت متأخر صحيت 9.5وكان طبعا عالبال مالبست ورحت ركبت المواصلات 
كانت الساعة 10
المهم اتهبلت فى عقلى ولبست كعب عالى 
ورحت لقيت اختى راحت انتخبت المهم روحت انا اللجنة لقيت بسم الله ماشاء الله 
ناس كتييييييييييييييييييييييييييييييييييييييير وقفين طابور 
قولت اروح اقف فى اخر الطابور عشان احنا ناس متحضرين
المهم ولاول مرة ارح اقف فى الطابور وناس  تقف ورايا من غير زق ولا ضرب
لانى متعودة دايما انوابيضحك عليا والناس تيجى تاخد دورى وبالاخص انى مبعرفش ازعق فى حد او اتعارك
المهم عدى ساعة كاملة واليوم كان حر جدااااااااا وحاسة ان دماغى ولعت من الشمس احمدك يارب وصل اللجنة ودخلت صوت المهم عملت نعم بس اللى زعلت منة انى محطتش الورقة بنفسى 
بس كنت سعيدة جداااااااااااااااااا لانى ولاول مرة حاسةان صوتى مش هايتزور 
وطبعا مصدقت صورت كام صورة بس ان شاء الله هانزلهم فى البوست القادم
المهم صورت ومشيت بسرعة لانى كنت خلاص الكعب عالى جاب اخرة معايا
(نصيحة منى لكل البنات
               بلاش تلبسى كعب عالى تانى اسألى مجرب)
ههههههههههههههههههههه سلام بقى عشان احنا لحد انهاردة بنحتفل بنزاهة الانتخابات لانة بالنسبة لنا اليوم عيد

هناك 18 تعليقًا:

sun of free dom يقول...

طبعا طبعا

مصر كلها نزلت انبارح علشان احنا طول عمرنا ايجابيين

انا كان نفسى اشارك
بس انتى عارفة اولها 18 سنة

المهم
نعم . لا

الاثنين همهم مصلحة مصر اولا

الكعب العالى دا مشكلة بس اكيد هتبع نصيحتك هههه

واليوم عيد وبعده عيد
ويارب كل الايامم عيد * عيد

سلسبيل يقول...

اكيد كان يوم عيد
انا فخورة انى مصرية
و ان شاء الله نعم
تسلمى على البوست
انتظر الصور حبيبتى

مدونه ما كفايه بقى يقول...

الف الف الف مبروك لمصر ولشعبها الطيب

عقبال الخطوات الجايه على طريق الديمقراطيه

ثقى ان ربنا رايد لمصر كل خير

تحياتى لكى حبيبتى

على الهامش : لما تشوفينى فاتحه الميل متكسليش تسلمى عليا:))))

حبى وودى واحترامى

أبو فارس يقول...

الحمد لله رب العالمين
اننا شفنا هذا اليوم
والف مبروك لنا الحرية فى الراي
وفى اختيار حيتنا

تقبلي مروري

الشاب الصح يقول...

الحمد لله على نعمه الحريه
الاكسجين بقه ليه رائحه طيبه سبحان الله

جزاك الله خيرا
========>♥ ◕‿◕ ♥<========
اللهم لولاك ما اهتدينا ولا تصدقنا ولا صلينا فأنزل يا ربي السكينة علينا وثبت الاقدام ان لاقينا
========>♥ ◕‿◕ ♥<========

تركي الغامدي يقول...

ماحدث في مصر بمثابة فتح جديد للإنسان العربي عندما ينفض غبار الخوف والكسل ويجعل الإرادة مطيته نحو الأفضل في شتى مجالات الحياة .
طرح موفق بارك الله فيك .

ماجد العياطي يقول...

مصر هي اللي تحتفل بينا يازهره

الله اكبر


تحياتي

زهرة(جنى)الاسلام يقول...

sun of free dom
ان شاء الله لما توصل ل18 سنة تحسى معانا بطعم الانتخابات اكتر
وزى ما قولتى اتبعى نصيحتى
هههههههههههههه

زهرة(جنى)الاسلام يقول...

سلسبيل
وحشان كتيييييييييييييييييييييييييييير
وكلنا فخورين ان احنا مصريين

زهرة(جنى)الاسلام يقول...

مدونة ماكفاية بقى
فعلا مبروووووووووك لكل مصر
وان شاء الله الخطوات القادمة تكون خير لمصر
على فكرة ان لما بفتح الميل بيهنج الجهاز فعشان كدة مبعرفش اتكلم مع حد لكن انتى واحشانى جدااااااااااا

زهرة(جنى)الاسلام يقول...

ابو فارس
شكرا لمرورك اخى على مدونتى المتواضعة
الحمد لله لحقنا وشوفنا الحرية

زهرة(جنى)الاسلام يقول...

الشاب الصح
يارب دايما نعيش فى حرية وكل مصر والايام القادمة تعيش معنا فى نفس السعادة

زهرة(جنى)الاسلام يقول...

ا/تركى الغامدى
جزاك الله خيرا العالم العربى رجع تانى لمصر اخى بعد فراق من سنين
الحمد لله رجعت مصر لكل الشعو ببعد ماكانت منهوبة

زهرة(جنى)الاسلام يقول...

ا/ماجد
كلنابنحتفل ببعض محدش كان يتصور ولا يحلم باللى احنا فية حاليا
جزاك الله خيرا

أم يقول...

ربنا يسصعدك دايما

وجع البنفسج يقول...

ربنا يجعل كل ايامك عيد ..

سعيدة بمروري هنا وان شاء الله من المتابعين .

كريمة سندي يقول...

في انتظار جديدك

midi haytham يقول...

كشف تسربات
شركة نقل اثاث بالرياض
شركة تنظيف بالرياض
شركة تنظيف خزانات الرياض
شركة رش مبيدات بالرياض
كشف تسربات
شركة مكافحة حشرات بالرياض
شركة تنظيف منازل بالرياض
شركة نقل عفش بالرياض
شركة نقل اثاث بالرياض
شركة تنظيف شقق بالرياض
شركة تنظيف موكيت بالرياض
شركة تنظيف مجالس بالرياض
تشركة تنظيف فلل بالرياض
شركة تنظيف فلل بالمدينة المنورة
شركة تنظيف شقق بالمدينة المنورة
شركة تنظيف بيوت بالمدينة المنورة

Related Posts with Thumbnails